Adaldyqty dáripteıtin klýbtar ashyldy

Qazirgi tańda tárbıelik ju­mys­tyń modeldik jo­s­paryn júzege asyrý úshin qurylǵan 495 klýbta mek­teptegi sybaı­las jem­qor­lyqqa qarsy máde­nıetti qalyptastyrý jaıy ke­ńinen talqylanýda. Ony jú­zege asyrý úshin klýbtar­dyń je­tek­­shileri taǵaıynda­lyp, al­daǵy atqaratyn jumys­tyń jospary da bekitil­gen.

Synyp jetekshileri 1-4 synyp oqýshy­la­rymen bir­le­sip, jyl boıy ar, namys, jaýapkershilik, qa­dir-qasıet, meıirimdilik, qaıy­rymdylyq, ádildik jáne adaldyq qasıetterin nasıhattaıtyn teatrlandyrylǵan qoıy­lymdar qoıatyn bolady. Bul qoıylymdardy uıym­das­tyrýdaǵy basty maqsat – balalardy qaıyrymdy ári jaýapkershilikti bolýǵa úı­re­tý, sondaı-aq, ádildikpen adal­dyq ár adamnyń ishki jan dúnıesinde bolatyndyǵyn bala sanasyna sińirý. Klýb­tar tarapynan 5-8 synyp oqý­shylary arasynda «Mem­le­kettik qyzmet – eldiń múdde­sine adal eńbek» essesi boıynsha saıystar ótkiziledi. Bul saıysty ótkizýdegi bas­ty maqsat óskeleń urpaqtyń boıynda kúndelikti árbir aza­mat­tyń qajettilikteri men múddelerine adal qyzmet jasaý, eldiń damý basymdyqtary men maqsattaryn júzege asy­ratyn mańyzdy ınstıtýt retindegi memlekettik qyz­met­ke degen túsinikti qa­lyp­­tastyrý.

Budan basqa, Aqmola oblysynyń bilim be­rý basqarmasy saıtynyń «Sybaılas jemqorlyqtyń aldyn alý» bóliminen qazirgi qoldanystaǵy zańnamalarmen, be­kitilgen josparlarmen, at­qa­rylǵan jumystarmen jáne sybaılastyqtyń aldyn alýǵa qatysty aqparattarmen tanysýǵa bolatyndyǵyn atap ótkenimiz oryndy.

Asqar TURAPBAIULY,
«Egemen Qazaqstan»

Aqmola oblysy