Bul shartqa Elbasy N.Nazarbaevtyń 2016 jylǵy tamyzda Serbııaǵa barǵan resmı saparynda eki memlekettiń basshylary qol qoıǵan bolatyn. Eýropa elderimen osyndaı ekijaqty sharttar jasaý óte mańyzdy. О́ıtkeni biz áli Eýropalyq keńestiń konvensııasyna qosylǵan joqpyz. Al endi mynadaı ekijaqty sharttar arqyly biz Eýropa qurlyǵyn qamtyp, nátıjesinde atalǵan konvensııaǵa qosylýǵa múmkindik alamyz.
Qazir Qazaqstan men Serbııa arasynda erekshe dostyq qarym-qatynastar ornap keledi. Serbııa Qazaqstannyń barlyq álemdik bastamalaryn qoldap otyr. EKSPO halyqaralyq kórmesine de belsendi túrde qatysty. Ekonomıka salasyndaǵy ekijaqty yntymaqtastyq ta nyǵaıyp keledi. Búgingi tańda Qazaqstannyń qurylys jáne saýda salasynda Serbııanyń 24 kompanııasy jumys isteıdi. Sondaı-aq qazaqstandyq kásipkerler de Serbııa ekonomıkasyna ınvestısııa quıýda. Kóshi-qonnyń belsendiligine eki el arasyndaǵy vızasyz tártip oń yqpaldy áser jasap otyr.
Qazirgi zamanda quqyq buzýshylyq barlyq elderdiń damýynda ekonomıkalyq kedergilerdiń biri bolyp tabylady. Kez kelgen el halyqaralyq yntymaqtastyq jasamaı bul iste nátıjeli kúres júrgize almaıdy. Tek qana memleketterdiń birlesken kúsh-jigerimen transulttyq qylmystarǵa qarsy tıimdi kúres júrgizýge bolady. Qylmysqa qarsy kúres týraly zańnamany jetildirý de ózara birlesken is-qımyldardy talap etedi. Bir sózben aıtqanda, barlyq ekonomıkalyq jáne mádenı baılanystardy keńeıtýde de osy zań jobasyn qabyldaý ózektiligin kórsetip otyr.
Qaralǵan zań jobasy Qazaqstan Respýblıkasy men Serbııa Respýblıkasy arasyndaǵy qylmystyq ister boıynsha quqyqtyq kómek kórsetýge tikeleı baǵyttalǵan. Zań jobasy osy máseleni retteıdi. Munda halyqaralyq tájirıbeni eskere otyryp, kórsetilgen kómektiń naqty nysandary men qylmystyń túrlerine qaraı yntymaqtastyqtyń qalyptasqan rásimi kózdelgen. Osy sharalar memlekettiń qylmysqa qarsy kúresin jetildire túsip, tutastaı alǵanda qylmysty azaıtýǵa jáne onyń aldyn alý sharalaryn qamtamasyz etýge múmkindik beredi dep oılaımyn.
Qabıbolla JAQYPOV,
Májilis depýtaty
