Joǵarǵy sotta Ahýaldyq ortalyq ashyldy

Atalǵan sharaǵa Joǵarǵy sot tóraǵasy Q.Mámı men Jo­­ǵarǵy sot janyn­da­ǵy Sot­­tar­dyń qyz­me­tin qam­ta­ma­syz etý depar­ta­menti­niń basshy­sy N.Sháripov qatysty. Ta­nys­tyrý rásiminiń sońynda Mem­­leket basshysy Ahýaldyq or­­ta­lyqtyń jumysyn iske qo­sý jóninde qashyqtan pármen berdi.

Bul Ahýaldyq ortalyq Jo­ǵarǵy sottyń ǵımaratynda or­nalasqan jáne ol tikeleı re­jım­de sottar jumysyn biryń­ǵaı monıtorıngileý júıesi bolyp tabylady. Biz Joǵarǵy sottyń baspasóz qyzmetinen alǵan málimetimizge saı, munda táý­lik boıy elimizdiń 370 soty­nan kelip túsetin 700 kór­setkish boıynsha ózekti sot aqparatyn jınaýmen jáne taldaýmen aınalysýǵa múmkindik bar ekendigine kóz jetkizdik. Máselen, pro­ses­tik merzimdi baqylaý, aýdıo­beı­netirkeýdi qoldaný, sot pro­sesi­niń ýaqtyly bastalýy se­kil­di mańyzdy mindetter at­qa­­rylady. Sot statıstıkasyn júr­gizýge erekshe kóńil bó­lin­bek.

Buǵan qosa, Ahýaldyq or­ta­lyq respýblıkanyń 1418 sot zalynda prosesterdiń ótý barysyn qadaǵalaıdy. Bul sottaǵy dóreki is-qımyl­dar­dy, sonyń ishinde sot pro­se­sine qatysýshylarǵa tón­gen qaýipti tez arada anyq­taý­ǵa múmkindik beredi. Jal­py ahýaldyq ortalyq sot jumy­sy­nyń kestesinde bolatyn aqaý­lardy jedel anyqtaý men túzetýge baǵyttalǵan. Bul – sot tóreligin júzege asy­rý­daǵy azamattardyń kon­stıtýsııalyq quqyqtaryn qor­ǵaýdy qamtamasyz etýdegi jańa praktıkalyq sıfrlyq sheshim.

Keńes barysynda Memleket bas­shysyna sottardaǵy jańa aqparattyq tehnologııalardy engizý boıynsha birqatar sońǵy jetistikter de kórsetildi. B­úginde «Sot kabıneti» ser­vı­si­ne 180 myńnan astam qol­da­nýshy tirkelgen, jyl saıyn sottardyń saıttarynda bir mıllıonnan astam is or­na­las­­tyrylady. Joǵarǵy sot saı­tynyń jeke dara kórý­shi­leriniń sany aıyna 150 myńǵa jýyq.

El Prezıdenti mobıldi sot kabınetiniń múmkindikteri tý­raly da habardar boldy. Atal­ǵan servıs taraptarǵa sot­qa kelmeı-aq qashyqtyqtan qa­tysýǵa múmkindik beredi. Buǵan ınternetke shyǵatyn zamanaýı mobıldi qurylǵy kómegimen úıden, keńseden, bas­qa qaladan, sonyń ishinde shet­elden de qosylýǵa bolady. Joǵarǵy sot respýbl­ı­kada tolyqqandy «elektrondy sot tóreligi» júıesin da­my­tý boıynsha belsendi ju­mys júrgizýde. Ol sot tóre­li­gin júzege asyrý kezinde ha­lyq­tyń sottarmen ózara qa­rym-qatynasy máselelerin qam­tı­dy. Bul jumys óziniń naqty ná­tı­jelerin berýde. Búgingi kúni sot­tarǵa elektrondy túrde be­rilgen ótinishterdiń úlesi 91 paı­yzdy quraıdy. Osylaısha ja­ńa aqparattyq tehnologııa-
lardy engizý boıynsha jumys jalǵasýda jáne ol Joǵarǵy sot basshylyǵynyń turaqty baqylaýynda.

Aleksandr TASBOLAT,
«Egemen Qazaqstan»