О́tkenimizdi taýyp, tulǵalardyń taǵdyr jolynan taǵylym alar tarıhı oqıǵaǵa alys-jýyqtan at arytyp kelgen el azamattary az bolmady. Súıekti jer qoınyna tapsyrý rəsimine Memlekettik hatshy Gúlshara Əbdiqalyqova, Mədenıet jəne sport mınıstri Arystanbek Muhamedıuly, Vengrııanyń Qazaqstandaǵy elshisi Baranı Andrash, QR Parlamenti depýtaty Qýanysh Sultanov, jazýshy Səbıt Dosanov, qoǵam qaıratkeri О́mirzaq Ozǵanbaev jáne ózge de aqyn-jazýshy, zııaly qaýym ókilderi qatysty.
Sharanyń ashylýynda sóz alǵan Qostanaı oblysynyń əkimi Arhımed Muhambetov: « Mine, úkimettiń kelisimimen batyr súıegin saltanatty túrde jerleý rásimin uıymdastyryp otyrmyz. Keıki batyrdyń tarıhtaǵy orny erekshe. Jańa memorıaldyq keshenniń qurylysy boıynsha barlyq jumystar belgilengen ýaqytta aıaqtaldy. Mynadaı səýletti kesene babalarymyz basyp ótken izden derek berip, jastarymyzdyń Otanǵa degen súıispenshiligin arttyrýǵa septigin tıgizedi dep oılaımyz», - dedi.
Memlekettik hatshy Gúlshara Əbdiqalyqova ultynyń azattyǵy jolynda aıanbaı kúresken taý tulǵanyń buralań tarıhy qazaqtyń da týqymetti tarıhy ekenin, bul kesene óskeleń urpaqqa tarıh izi isteptti úlgi-ónege, eldik múdde jolynda ómirin qıǵan babamyzǵa qurmet ekendigin tilge tıek etti.
Sondaı-aq, Səbıt Dosanov bastaǵan qalamgerler sóz alyp, ótkendi eske almaı keleshek joqtyǵyn, ultyna eńbegi sińgen qaharman perzentterdiń qashanda joqtaýsyz qalmaıtynyn aıtty.
Batyr urpaqtary atynan Serik Aqylbaı sóz sóılep, ǵasyr boıy syrt elde jatqan batyr súıegin elge əkelýge sebepshi bolǵan Elbasyna erekshe alǵysyn aıtty.
Jıyn sońynda jınalǵan jurt baba rýhyna baǵyshtalyp oqylǵan duǵaǵa qol jaıdy.
Esterińizgde bolsa, batyr babamyzdyń bas súıegi byltyr elge oralǵan bolatyn.
Ularbek NURǴALYMULY
"Egemen Qazaqstan"
