«London polısııasynyń kontterrorıstik bóliminiń qyzmetkerleri London metrosyndaǵy oqıǵany zerttep jatyr. Ázirge jarylystyń sebebi anyqtalmaǵan.Stansa jabyq», delingen qala polısııasynyń habarlamasynda.
Londonnyń jedel járdem qyzmeti basqarmasy basshylyǵynyń aıtýynsha, oqıǵa ornyna birneshe brıgada jiberilgen. «Habar túsken soń bes mınýttan keıin bizdiń qyzmet oqıǵa ornynda boldy. Aldymen adamdardyń dene jaraqatynyń túrleri men deńgeıin anyqtap, birden qajetti sharalar atqaryldy», deıdi basqarma basshylyǵy. Sondaı-aq oqıǵa ornynda órt sóndirý qyzmeti de bar.
Premer-mınıstr Tereza Meıdiń Týıtterdegi resmı paraqshasynda "Men "Parsons grın" stansasynda jaraqat alǵandar men terrorıstik oqıǵamen kúresýge bar kúshin salyp jatqan qutqarý qyzmetimen birgemin", dep jazylǵan. Bolǵan oqıǵaǵa baılanysty Tereza Meı Úkimettiń tótenshe jaǵdaılar komıtetiniń otyrysyn ótkizedi dep kútilýde.
PM: My thoughts are with those injured at Parsons Green and emergency services who are responding bravely to this terrorist incident.
— UK Prime Minister (@Number10gov) 15 sentıabrıa 2017 g.
