Boks • 16 Qyrkúıek, 2017

Golovkın men Alvarestiń salmaq ólsheý rásimi ótti

280 ret
kórsetildi
1 mın
oqý úshin

Erteń álemdegi kúlli boks súıer qaýym asyǵa kútip otyrǵan áıgili boks keshi.

Golovkın men Alvarestiń salmaq ólsheý rásimi ótti

Qazaqstandyq kásipqoı boksshy Gennadıı Golovkın (37-0, 33 KO) men meksıkalyq Saýl Alvares (49-1-1, 34 KO) jekpe-jekke bir kún qalǵanda salmaq ólsheý rásiminen ótti.

«Golovkınniń de, Alvarestiń de salmaǵy 160 fýntty (72,57 kılogramm) kórsetti» dep jazdy Sports.kz.

Aıtpaqshy, Golovkın men Alvarestiń salmaq ólsheý rásimine qazaqstandyq jankúıerler de qatysty. ESPN Boxeo Tvıtterdegi paraqshasyna «Bul jerden az bolsa da qazaqstandyq jankúıerlerdi de keziktirýge bolady», - dep jazdy Qazaqstan týyn jamylǵan jankúıer túsken sýrettiń astyna.

Eske sala keteıik, kezdesý 16 qyrkúıek kúni (Qazaqstanda 17 qyrkúıek kúni tańda) Las-Vegastaǵy T-Mobile Arenada ótedi. Qazaqstanda jekpe-jekti «Qazsport» jáne «Qazaqstan» telearnalary kórsetedi. Aıtýly aıqas Astana ýaqyty boıynsha 08:50-de bastalady.

Sońǵy jańalyqtar