Bul elimiz ben jaqyn memleketterdiń jol-qurylys kompanııalary úshin eń qolaıly ydys. Bul - Qazaqstandaǵy bıtým zaýytynyń tehnologııalyq prosesin jańartý baǵdarlamasynyń mańyzdy kezeńi. Onyń júzege asýy Qazaqstan, Tájikstan, Qyrǵyzstan jáne basqa da elderdegi kontragenge degen suranysty qamtý úshin jylyna 15 myń tonna ónimdi quıýǵa múmkindik beredi.
Qazirgi tańda óndiristik alańda naryqta qajet etiletin BND 60/90 jáne 70/100 markaly bazalyq bıtým shyǵarylady, olardyń sapasy reseı men qazaqstandyq standarttarǵa saı keledi. Daıyn ónimdi jóneltý quıylǵan, sondaı-aq metall bóshkelerge orap-túıilgen kúıinde iske asyrylady. «Gazprom neft» bıtýmyn qoldana otyryp, Ońtústik Qazaqstan joldarynyń úshten biri, onyń ishinde iri jol jobasynyń – «BatysEýropa – Batys Qytaı» transqurylyqtyq dáliziniń avtomobıl joldary salyndy.
«Bıtýmdyq materıaldardyń joǵary sapasy men logıstıkalyq artyqshylyqtaryna oraı, «Gazprom neft» JShS-i jumys istegen 5 jyl ishinde Qazaqstan naryǵynda tanymal oıynshyǵa aınaldy. О́zimizdiń Reseı alańdarynda bıtýmdyq materıaldardyń tehnologııalaryn ázirleý men óndirýde kópjyldyq tabysty tájirıbege ıe bola otyryp, biz Qazaqstanda aktıvterdi tıimdi basqarý úshin úzdik jetistikterdi belsendi qoldanyp kelemiz. Joǵary sapaly bıtýmdy óndirýmen qatar, orap-túıý torabyn damytý bizge shalǵaı ornalasýyna qaramaı, Qazaqstan men oǵan jaqyn ornalasqan elderde tutynýshylardy qamtamasyz etýge múmkindik beredi», - deıdi «Gazprom neft» JShS dıreksııasynyń kommersııalyq dırektory Levan Kadagıdze.
Aıta ketý kerek, zaýyt ótken 2016 jylmen salystyrǵanda, táýliktik ónimdilikti 30 paıyzǵa ulǵaıtyp, onyń kólemi 700 tonna tutqyr zatqa jetti. 2017 jyldyń nátıjesi boıynsha zaýyt jumysshylary 200 myń tonna bıtýmdyq materıal óndirýdi josparlap otyr. Al Qazaqstanda bıtýmdyq ónimdi tutynýdyń jyl saıynǵy kólemi – 550-650 myń tonnaǵa jýyq.
«Bul Qazaqstanda bıtýmdyq zaýyttyń tehnologııalyq prosesterin jańǵyrtý baǵdarlamasynyń mańyzdy kezeńi. Ony iske asyrý Qazaqstanda, Tájikstanda, Qyrǵyzstanda jáne basqa elderde kontragentterdi qamtamasyz etý úshin jylyna qosymsha 15 myń tonna ónimdi orap-túıýdi júzege asyrýǵa múmkindik beredi. Zaýyttyń geografııalyq ornalasýy qazaq jol-qurylys salasy úshin, sondaı-aq sheteldik tutynýshylar úshin bıtýmdyq materıaldardy jóneltýge múmkindik beredi», - deıdi OQO Kásipkerlik, ındýstrıaldy-ınnovasııalyq damý jáne týrızm basqarma basshysynyń orynbasary Qanat Sydyqov.
