Oblysta 90-nan astam úmitkerler arasynan daralanǵan 25 ánshiler laýreattardy anyqtaý úshin báıgege tústi.
1992 jyldan beri ótkizilip kele jatqan festıval búginderi aýdan, qalalarda kezegimen jalǵasyp jatyr.
Baıqaý sharty boıynsha birinshi kezekte Shámshi ánin oryndaǵan úmitker ekinshi kezeńde patrıottyq baǵyttaǵy án aıtady.
Bas báıgege qazylar tarapynan eń kóp upaı jınaǵan shymkenttik «Saryn» toby ıe boldy. Al, birinshi oryn Sozaq aýdanynyń úkilegen úmiti Aqerke Jumashevaǵa buıyrdy. Osyndaısha olar Astanadaǵy ótetin respýblıkalyq án baıqaýynda Ońtústiktiń namysyn qorǵaıtyn bolady.
Sholaqqorǵandaǵy «Dostyq» stadıonynda oblystyq án baıqaýynyń marapattaý rásimi gala-konsertke ulasty. Esti ánge halyq shólirkegen eken. Stadıonǵa kórermender lyq toldy.
Oblystyq baıqaý kelesi jyly Tóle bı aýdanynda jalǵasady.
Baqtııar TAIJAN,
«Egemen Qazaqstan».
Ońtústik Qazaqstan oblysy.
