Oblys ákiminiń orynbasary Marat Júndibaev aıtystyń bastalýymen jurtshylyqty quttyqtap, Keıkiniń ónerli urpaqtaryna sáttilik tiledi. Aıtysqa alty jup jas aqyndar qatysýda. Qazir eki jup aıtysty.
Toba О́tepbaev pen Ásem Eerejeqyzy, Dıdar Qamıev pen Marjan Esjanova kórermenniń kóńilinen shyǵatyndaı, tamasha óner kórsetti. Eki jup ta qazylardan joǵary baǵa aldy.
Arqalyq qalasyndaǵy jastar teatrynda ótip jatqan respýblıkalyq aıtys kórermenniń de, aqyndardyń da delbesin qozdyryp, qyza tústi. Qazir sahnada aıtysta tanylyp qalǵan aqyndar qostanaılyq Saltanat О́telbaeva men almatylyq Qaziret Berdihan tamasha aıtys úlgisin kórsetip jatyr. Eki aqyn qazaqtyń jarasymdy ázil-qaljyńyn aıtyp, kórermendi dý-dý kúlkige kómdi.
Aıtpaqshy, aqyndar aıtysyna Qazaqstannyń halyq aqyndary Ásııa Berkenova, Áselhan Qalybekova, Qonysbaı Ábil, jazýshy Ǵumar Ahmetchın, aqyn Abylaı Maýdanov qazylyq etýde.
Aıtysty Júrsin Erman júrgizip otyr.
Názıra Járimbet
«Egemen Qazaqstan»
