Baýyrlas elderdiń saýda-ekonomıkalyq yntymaqtastyǵynyń artýyna múmkindik beretin kezdesýge 500-den astam qos eldiń kásipkerleri qatysty.
Sonymen qatar, Tashkent qalasynda ótken bıznes-forým sheńberinde Qazaqstanda óndiriletin ónimderiniń kórmesi ótti.
О́zbekstan astanasynda keshe bastalǵan kórmege 90-ǵa jýyq otandyq kompanııanyń ónimderi qoıylǵan. Qazaqstandyq taýaróndýshiler kórmege tamaq jáne ónerkásip, ınjenerlik, mashına jasaý, farmasevtıka jáne qurylys zattary men hımııa, metallýrgııa IT salalaryndaǵy 500-den astam ónimderin ákelip otyr.
«О́zekspoortalyq» kórme kesheninde ótip jatqan kórmege Ońtústik Qazaqstan oblysynyń birqatar iri kásiporyndarynyń ónimderi qoıyldy. Atap aıtqanda, kilem ónimderin shyǵaratyn «Bal Tekstıl» fabrıkasy, un jáne sút ónimderin óndirýde kóshbasshylardyń qataryndaǵy kásiporynnyń biri «Altyn Dán» JShS-gi, jylyna sement óndiretin «Shymkent sement» jáne «Standart sement» zaýyttary men TMD-da birinshi ashylǵan vakýmdyq probırkalar men ekijaqty ıne shyǵaratyn «EkoFarm Interneshnl» kompanııasy men terapııanyń túrli salalaryndaǵy aýrýlardy emdeýge arnalǵan 12 faramasevtıkalyq topqa jatatyn generıktik jáne túpnusqalyq 200-den astam dári-dármek shyǵaratyn «Hımfarm» zaýyty, medısınalyq jabdyqtardyń 17 túrin shyǵaratyn «Marai E7 Group» JShS-niń ónimderi qoıyldy.
Sonymen qosa, kórmede «AtaStroı» qurylys kompanııasy Saryaǵash aýdanyndaǵy Jibek-Joly shekara beketin modernızasııadan ótkizý jobasyn tanystyrdy. Quny 18 mln AQSh dollary bolatyn joba júzege assa táýligine 30 myń adam emin-erkin eki el shekarasynan óte alady.
OQO ákimdigi men Kásipkerler palatasynyń uıymdastyrýymen О́zbekstan-Qazaqstan bıznes-forýmyna Ońtústik Qazaqstan oblysynan óńir basshysy Janseıit Túımebaev bastaǵan 150-den astam memlekettik jáne qarjylyq uıymdar men kásipkerler qatysty. Bıznes-forým kezinde V2V formatynda kelissózder júrgizilip, ondaǵy qatysýshylar ózara is-áreketter jaqyn bolashaqta óz nátıjesin bererine senim bildirdi.
