Qazaqstan-О́zbekstan:О́zara baılanystyń jańa belesi

Sapar aıasynda kelissózder júrgizilip, birqatar ekijaqty kelisimderge qol qoıyldy. Eki el basshylary óńirlik kún tártibindegi negizgi aspektilerdi jáne qarym-qatynasty nyǵaıtý máselelerin talqylady. 

Yntymaqtastyq arta tústi

О́zbekstan bıligine Shavkat Mırzııoev kelgennen beri eki el arasyndaǵy qarym-qatynastyń jıileı túskeni ras. Bul elge jańa prezıdent saılanǵannan keıingi alǵashqy bolyp memlekettik sapar jasap otyrǵan da Qazaqstan Prezıdenti eken. Jalpy Shavkat Mırzııoev bizdiń elmen baılanys­ty bekemdeı túsýge aıryqsha múddeli ekeni bıylǵy naýryzdaǵy Qazaqstan saparynan da aıqyn ańǵarylǵan bolatyn. Sol sapardyń aıasynda da kóptegen qujatqa qol qoıylyp, qazaq-ózbek qatynasy jańa beleske qadam basqan edi. Az ýaqyt ishinde eki el Prezıdentteriniń alty márte júzdesýiniń ózi elder arasynda sheshimin kútken kóp máseleniń jınalyp qalǵanyn, ýaqyt ozdyrmaı kóptegen kelisimderge qaıta qol qoıyp, yntymaqtastyqqa jańasha serpilis jasaýdyń qajettiligi bolǵanyn kórsetedi. 

О́zbek aǵaıyndar Qazaqstan Prezıdentiniń osy saparyn da erek­she baǵalap, kórshisiniń Kósh­bas­shysyn kútip alýǵa asa bir yj­da­ǵattylyqpen daıyndalǵanǵa uq­saı­dy. Tashkent kóshelerinde jıi ilin­gen kóz súrindirer kók týla­rymyz, qazaq baýyrlaryna «qosh keldiń» aıtqan bılbordtar, tip­ti olardyń, qazaq tilinde jazy­lýynyń ózi kórshiniń bizge degen kóldeı kóńilin kórsetkendeı. 

Qazaqstan Prezıdenti Nursultan Nazarbaevty Tashkent áýe­jaıynan О́zbekstan Prezıdenti Shav­kat Mırzııoev qarsy aldy. Mem­lekettik saparǵa laıyq jol-joral­ǵysy, resmı rásimderi jasal­ǵan soń Prezıdentter О́zbekstan halqynyń jalpyulttyq sımvoly bolyp sanalatyn «Táýelsizdik jáne gýmanızm» monýmentine gúl shoǵyn qoıdy. Odan soń Memleket basshysy О́zbekstan Prezıdentimen birge Tashkent qalasynyń eń kórnekti oryndarynyń biri sanalatyn «Tóle bı kesenesi» sáýlet keshenine bardy. Kesenede qazaqtyń ataqty tarıhı qaıratkeri Tóle bı jerlengen. Bul sáýlet eskertkishi – qazirgi Tashkent aýmaǵyndaǵy eń kóne eskertkish. Kesene XV ǵasyrdyń birinshi jartysynda salynǵan-dy.

Sáýlet keshenin aralaǵan soń Nursultan Nazarbaev pen Shavkat Mırzııoev buqaralyq aqparat quraldary úshin qysqasha brıfıng ótkizdi. Onda memleketter basshylary baýyrlas elder arasyndaǵy ózara qarym-qatynastyń jańa kezeńi bastalǵanyn málimdedi. Odan soń Prezıdentter «О́zbekstan-Qazaqstan: yntymaqtastyqtyń jańa kezeńi» atty ónerkásip kórmesin aralap kórdi. Onda memleketter basshylary qazaqstandyq taýar óndirýshilerdiń ónimimen tanysty. Kórmede áskerı-tehnıka, avıasııa, farmasevtıka, toqyma óndirisi, qurylys, sondaı-aq mashına jasaý, avtomobıl qurastyrý jáne IT salalaryndaǵy qazaqstandyq 50-den astam iri kompanııalardyń eksportqa arnalǵan ónimderi qoıylǵan eken. 

Bul kúni Qazaqstan Prezıdenti О́zbekstannyń burynǵy prezıdenti Islam Kárimovtiń eskertkishine gúl shoǵyn qoıý rásimine de qatys­ty. О́zbekstannyń tuńǵysh prezı­den­tine arnalǵan monýment Tashkentte «Aqsaraı» rezıdensııasynyń aldyna qoıylyp, 2017 jylǵy 31 tamyzda ashylǵan bolatyn.

Keleli kelissózder

Elbasynyń О́zbekstanǵa mem­le­kettik sapary aıasynda el kósh­bas­shylary ekijaqty jáne keńeı­tilgen quramda kelissózder ótkizdi. Kezdesýde О́zbekstan prezıdenti Shavkat Mırzııoev Qazaqstan Pre­zıdenti Nursultan Nazarbaevqa shynaıy rızashylyǵyn bildirip, barsha Qazaqstan halqyna degen zor qurmetin jetkizdi.

«Osy jyldy eki eldiń qa­rym-qatynasyndaǵy tarıhı jyl dep aıtýǵa tolyq negiz bar. Mem­leketterimiz arasynda ekono­mı­ka­nyń barlyq salasy boıynsha aı­tar­lyqtaı ilgerileýshilik baıqalýda. Bul bizdiń altynshy kezdesýimiz. Ol baýyrlas eki el arasyndaǵy dos­tyq nıetti bildiredi», dedi О́z­bekstan Prezıdenti.

Shavkat Mırzııoev Qazaq­stan­nyń EKSPO-2017 halyq­aralyq kórmesin jáne Islam ynty­maqtastyǵy uıymynyń ǵylym jáne tehnologııalar jónindegi bi­rinshi sammıtin joǵary deńgeıde ótkizýi Nursultan Nazarbaevtyń bıik bedeliniń arqasynda múmkin bol­ǵanyn atap ótti.

Qazaqstan Prezıdenti ózbek kósh­basshysyna saparmen kelýge shaqyrǵany jáne qonaqjaılyq tanytqany úshin rızashylyq bil­dirip, ekijaqty qarym-qaty­nas­tar­dyń qarqyndy damyp kele jatqa­nyn, sondaı-aq ony odan ári ke­ńeı­týdiń áleýeti zor ekenin aıtty.

«Siz az ýaqyt ishinde ekijaq­ty qarym-qatynasty tabysty da­my­týǵa zor úles qostyńyz. Biz kez­desýlerimizdiń arqasynda kóptegen túıtkildi máselelerdi sheshe aldyq. Bizdiń tilimiz, mádenıetimiz, dinimiz ortaq. Sondyqtan bizde tyǵyz yntymaqtasýdan basqa jol joq. О́zara is-qımylymyz tıimdi bolý úshin naqty ister atqaryp, bir-birimizdi qoldaýymyz qajet», dedi Memleket basshysy.

Nursultan Nazarbaev О́zbek­stan­nyń óńirde mańyzdy ról atqa­ratynyna erekshe toqtalyp, Shavkat Mırzııoevtiń eki eldiń is­kerlik yntymaqtastyǵyn jan­dan­dyrýǵa aıryqsha úles qosqanyn atap ótti.

«Siz Prezıdent laýazymyndaǵy bir jyl ishinde kóp jumys atqar­dyńyz. Sizdiń valıýtalyq retteý, she­karany ashý, bıznesti damytý úshin jaǵdaı jasaý jóninde qa­byl­daǵan sheshimderińizdi tarıhı she­shimder dep ataýǵa bolady. Biz­diń iskerlik qarym-qatynas­tarymyz ózara tıimdi jaǵdaılarǵa negizdelýge tıis», dedi Qazaqstan Prezıdenti.

Sondaı-aq kelissóz barysynda saýda-ekonomıkalyq, ınvestısııa, aýyl sharýashylyǵy, kólik-tranzıt, áskerı-ónerkásip jáne mádenı-gýmanıtarlyq sala­lar­yndaǵy eki el arasyndaǵy ynty­maq­tas­tyqty nyǵaıtý máseleleri tal­qylandy.

Kólik qatynasy kúsheıdi

Qazaqstan Prezıdentiniń О́zbek­stan Respýblıkasyna mem­lekettik saparynyń qorytyndysy boıynsha eki eldiń basshylary qatysqan arnaıy baspasóz máslıhaty ótti. Onda Nursultan Nazarbaev joǵary deńgeıdegi turaqty kezdesýler ıgi dástúrge aınalǵanyna toqtalyp, О́zbekstanǵa jasaǵan osy saparyn tarıhı sapar dep atady. «Az ǵana merzimde osymen altynshy ret júzdesip otyrmyz. Bul – bizdiń strategııalyq seriktestigimizdiń, ekijaqty qarym-qatynastardyń qarqyndy damýynyń jarqyn mysaly», dedi Memleket basshysy.

Nursultan Nazarbaev Shav­kat Mırzııoevpen jasal­ǵan ýaǵdalastyqtardyń qory­tyn­dy­lary boıynsha eki el arasyndaǵy yntymaqtastyqty, sonyń ishinde kólik salasyndaǵy baılanystardy nyǵaıtýǵa qatysty qol jetkizilgen nátıjelerge nazar aýdardy.

«Qazirdiń ózinde ýaǵda­las­tyqtarymyzdyń naqty nátıjeleri kórine bastady. Máselen, aptasyna eki ret Almaty men Tashkent arasynda «Tulpar-Talgo» júrdek poıyzy qatynaıdy. Bizdiń ulttyq áýe tasymaldaýshylarymyz eki eldiń astanalary arasynda qo­sym­sha reıster ashty, aldaǵy ýaqyt­ta basqa da qalalarymyz ara­synda áýe qatynasy ornaıdy. Tu­raqty avtobýs qatynasy bar. Iri memleketaralyq avtojoldy jóndeý jumystary júrgizilýde. M-39 avtodálizinde eki ótkizý pýnk­ti ashyldy. Qazaqstan-О́zbekstan yn­tymaqtastyǵynyń aıasynda avto­mobıl qurastyrý jónindegi joba júzege asyryldy», dedi Qazaq­stan Prezıdenti.

Taýar aınalymy artty

Sonymen qatar, Elbasy keń aý­qymdy baǵyttar boıynsha ekijaq­ty qatynastardy jandandyrý ózara taýar aınalymyna oń yqpal etkenin atap ótti.

Bul rette О́zbekstannyń ımporttalatyn taýarlardyń keıbir túrine aksızdi tómendetý týraly sheshimi saýda yntymaqtastyǵyn jandandyrý jolynda jasalǵan oń qadam bolǵanyn, nátıjesinde bıylǵy 7 aıdyń ishinde ekijaqty saýda 35%-ǵa óskenin tilge tıek etti. «Bul – óte jaqsy nátıje. 2020 jylǵa qaraı taýar aınaly­myn 5 mlrd dollarǵa jetkizý min­­­deti qoıyldy. Osyǵan oraı, Úki­met­terimizge ózara tıimdi yn­ty­­maq­tas­tyqty jandandyrý já­ne paıda­lanylmaǵan barlyq rezer­v­ti jumyldyrý jóninde tapsyrma berildi», dedi Nursultan Nazarbaev.

Qazaqstan Prezıdenti sondaı-aq energetıka salasyndaǵy ın­ves­tısııalyq seriktestik pen ynty­maqtastyqty keńeıtý qajettigine nazar aýdardy.

«Ortamerzimdi perspektıvada birlesken 2-3 iri ınvestısııalyq jo­bany iske asyrýǵa ýaǵdalastyq. Elderimizdiń gaz salasyndaǵy yntymaqtastyǵy tıimdi damyp keledi. Úkimetterimizge ekijaqtyń múddesinen shyǵatyn jańa gaz jobalaryn pysyqtaý tapsyryldy», dedi Elbasy. 

Memleket basshysy eki el arasyndaǵy baılanystardy keńeı­týge septigin tıgizetin О́ńir­aralyq yntymaqtastyq forýmyn turaqty túrde ótkizýdiń mańyzdylyǵyn da atap ótti. Ǵarysh ındýstrııasyn damytý boıynsha birlese jumys jasap, osy salada ózara tıimdi baılanystar ornatý qajettigin aıtty.

Sý máselesi sheshiledi

Qazaqstan Prezıdenti bas­pasóz máslıhatynda О́zbekstan Pre­zıdentimen sý máselesin keńinen talqylaǵanyna toqtaldy.

«Bul másele búkil Ortalyq Azııa óńiriniń odan ári damýy úshin aıryqsha mańyzǵa ıe. Orta­lyq Azııanyń shekaraaralyq sý re­sýrstary óńirdegi barlyq halyq­tardyń ortaq murasy men ıgiligi bolyp tabylatynyn atap ótken jón», dedi Nursultan Nazarbaev. So­ny­men qatar, Memleket basshysy О́zbekstan Prezıdentimen Aral teńiziniń jaǵdaıyna qatysty ke­lis­sóziniń qorytyndysy týraly aıtty. 

«Kelesi jyly Halyqaralyq Araldy qutqarý qoryna 25 jyl tolady. Qazir ol Aral máse­lesi jónindegi birden-bir memle­ketaralyq tetik bolyp tabylady. Osyǵan oraı biz Qordyń jumysyn jandandyrý qajettigi jónindegi ustanymdarymyz ortaq ekenin rastadyq. Atap aıtqanda, biz 2018 jyly joǵary deńgeıde kezdesý ótkizip, áriptesterimizben birge barshamyzǵa ortaq osy máseleni sheshýdiń ózara tıimdi joldaryn talqylaýǵa nıetti ekenimizdi bil­dirdik, dedi Elbasy.

Ustanymymyz uqsas

Nursultan Nazarbaev kelis­sózder barysynda óńirlik jáne halyqaralyq kún tártibindegi ózekti máselelerge erekshe nazar aýdarylǵanyna toqtalyp, kóptegen halyqaralyq oqıǵalarǵa qatysty Qazaqstan men О́zbekstannyń ustanymy uqsas ekenin atap ótti.

«Biz kópjaqty formatta, sonyń ishinde Qazaqstannyń BUU-nyń Qaýipsizdik Keńesindegi músheligi aıasynda ózara is-qımyl jasaýdyń máse­lelerin qarastyrdyq. Aýǵan­stan­daǵy jaǵdaıǵa baılanysty óńir­de qaýipsizdikti qamtamasyz etý máselelerine qatysty pikir almastyq. Islam Yntymaqtastyǵy Uıy­mynyń ǵylym jáne tehnolo­gııalar jónindegi Astana sam­mı­tiniń qorytyndylaryn, son­daı-aq Tashkenttiń Islam Ynty­maq­tastyǵy Uıymynyń osyndaı sammıtin О́zbekstanda ótkizý týraly bastamasyn talqyladyq», dedi Prezıdent.

Rýhanı múdde ortaq

Memleket basshysy, sondaı-aq eki el arasynda mádenı-gý­ma­nıtarlyq baılanystardy damy­týdyń mańyzdy ekenin aıtty.

«Bizdiń tyǵyz mádenı-gýma­nı­tarlyq baılanystarymyz dostyq qarym-qatynastarymyzdyń ma­ńyzdy faktory bolyp sanalady. Biz 2018 jyly Qazaqstanda О́zbekstan jylyn ótkizýge ke­lis­tik. О́zbekstanda Qazaqstan jy­lyn da ótkizý kún tártibinde tur. Osy bastamalar aıasynda túrli is-sharalar ótkizilip, olar baýyr­las halyqtarymyzdyń jaqyn­das­tyǵyn odan ári tereńdetýge septigin tıgizedi», dedi Nursultan Nazarbaev.

Memleket basshysy sapar qorytyndylaryn joǵary baǵalap, onyń Qazaqstan men О́zbekstan arasyndaǵy dástúrli tatý kórshilik, dostyq jáne senimge negizdelgen baılanystar men seriktestikti odan ári nyǵaıtýǵa serpin beretinine senim bildirdi.

«Qazaqstan men О́zbekstan kósh­basshylarynyń birlesken málim­demesin qabyldadyq. Úkimetterimiz Qazaqstan-О́zbekstan qarym-qatynasy men yntymaqtastyǵyn odan ári damytýǵa baǵyttalǵan birqatar ekijaqty qujattarǵa qol qoıdy, dedi Memleket basshysy.
Elbasy Qazaqstan delega­sııa­synyń jáne jeke óziniń atynan ózbek halqynyń ósip-órkendeýine nıet­testik bildirip, barlyq bastamalaryna tabys tiledi. Sondaı-aq ekijaqty jáne kópjaqty qarym-qatynastarǵa qoldaý bildiretinin aıtty.

«Ǵasyrlar toǵysynda» ózbekshe «sóıledi»

О́zbekstan Prezıdenti Qa­zaq­stan Prezıdentine nıettestigi úshin alǵys aıtyp, Nursultan Nazarbaevtyń ultaralyq jáne óńir­aralyq qaqtyǵystardy sheshýdegi bitimgershilik rólin erek­she atap ótti.

«Sizdiń «Ǵasyrlar toǵysynda» atty kitabyńyz ózbek tiline aýda­ryldy. Men Sizge sol kitapty ys­tyq yqylaspen kórsetkim keledi», dedi Shavkat Mırzııoev.

О́zbekstan kóshbasshysy bul ki­tapty 1996 jyly Jızaq obly­synyń hokımi bolyp turǵanda oqy­ǵanyn aıtyp, Nursultan Nazarbaevtyń kitabynan úzindi keltirdi. Kitaptyń «Qazaqtar talaı jerde tutasymen qyrylyp ketýge shaq qaldy. Biraq ómirge qush­tar­lyq, azattyqqa qushtarlyq qaıta­dan jyǵylǵan eńseni kóterip, táýekelge bel býǵyzdy. Men óz halqymdy súıemin. Onyń meni bala kezimnen sabyr men para­satqa baýlyǵanyn maqtanysh tuta­myn. Beıbit tásilderge ǵana júgi­nip, shıelenis pen kıkiljińniń ere­jelerine moıyn usynǵym kelmeı­tindigi de sondyqtan», degen joldaryn О́zbekstan basshysy tebi­rene oqyp berdi. Sondaı-aq Shavkat Mırzııoev bul kitaptyń О́z­bek­stannyń Memlekettik basqarý aka­demııasynda oqý úderisi bary­synda paıdalanylatynyn atap ótti.

«Biz úshin Astana Qazaqstan Prezıdentimen astasatyn uǵym. Astana – Sizdiń Otanyńyzǵa degen súıispenshiligińizdiń kórsetkishi. Men Sizdi maqtan tutamyn» dedi О́zbekstan basshysy. 

О́zbektiń «tosyn syıy»

Qazaqstan Prezıdenti Nursultan Nazarbaev О́zbekstan Res­pýb­lıkasynyń «El ıýrt hýrmaty» («Halyq pen Otan qur­meti») ordenimen marapattaldy. Ordendi Elbasyna О́zbekstan Prezıdenti Shavkat Mırzııoev tabystady. Orden jónindegi tosyn jańalyqty О́zbek basshysy baspasóz máslıhaty aıaqtalǵanda aıtty. «Keshe men Jarlyqqa qol qoıdym. Sonyń mátinin oqyp berýge ruqsat etińiz», dedi Shavkat Mırzııoev.

«Nursultan Ábishuly Nazarbaev – álemdik deńgeıdegi kórnekti memleket jáne saıası qaıratker, táýelsiz Qazaqstan Respýblıkasynyń negizin qa­laý­shy. Ult Kóshbasshysynyń dana basshylyǵymen Qazaqstan álemdik qoǵamdastyqta laıyqty orynǵa ıe bolyp, búginde naryqtyq ekonomıkasy qýatty ári azamattyq qoǵamy ashyq qarqyndy damy­ǵan demokratııalyq memleket bolyp sanalady. Qazaqstan Pre­zıdenti bizdiń táýelsiz memle­ketterimizdiń tatý kórshilik pen ózara túsinistik qarym-qaty­nas­taryn qalyptastyrýdyń bas­taýynda boldy. Nursultan Nazarbaevtyń zor jeke úlesiniń arqasynda baýyrlas ózbek jáne qazaq halyqtary arasyndaǵy dostyq pen yntymaqtastyqtyń berik kópiri jasaldy. Osy negizde qazirgi ýaqytta elderimizdiń ózara tıimdi jáne jemisti baılanystary nyǵaıyp keledi. Bizdiń elderimiz arasyndaǵy dástúrli dostyq qarym-qatynas pen strategııalyq seriktestikti nyǵaıtyp, ony keńeıtýge, sondaı-aq beıbitshilik pen damý jolyndaǵy halyqaralyq yntymaqtastyqty arttyrýǵa qosqan zor úlesi úshin Qazaqstan Respýblıkasynyń Prezıdenti Nursultan Ábishuly Nazarbaev «El ıýrt hýrmaty» ordenimen marapattalsyn» delingen Jarlyqta.

Memleket basshysy óz ke­ze­ginde Shavkat Mırzııoevke jáne barsha ózbek halqyna shyn nıetpen asa mańyzdy marapat úshin alǵys bildirdi.

«Men shetelderdiń de, eli­mizdiń de kóptegen marapatyna ıe boldym, alaıda bul marapattyń orny erekshe. О́ıtkeni kórshi memlekettiń joǵary baǵasyna ıe bolý zor mártebe. Men úshin bul tosyn syı. Biz árdaıym ózbek halqymen qýanyshty da, qaıǵyny da birge bólisetinimizdi atap ótkim keledi. Tek osylaı ǵana biz táýelsizdigimizdi saqtap qala alamyz. Búgin kún tártibinde turǵan barlyq másele sheshildi, jańa mindetter qoıyldy. О́zbek halqyna jáne Shavkat Mırzııoevke taǵy da rızashylyǵymdy bildiremin», dedi Nursultan Nazarbaev.

Brıfıngti qorytyndylaǵan О́zbekstan Prezıdenti Qazaqstan Prezıdentine tabys etilgen marapat ózbek halqynyń jáne jeke óziniń Nursultan Nazarbaevqa degen shynaıy nıeti ekenin atap ótti.

On qujatqa qol qoıyldy

Memleket basshysynyń О́z­bek­stan Respýblıkasyna memle­kettik sapary aıasynda 10 ma­ńyz­dy qujatqa qol qoıyldy. Atap aıtqanda, «Qazaqstan temir joly» ulttyq kompanııa­sy» aksıonerlik qoǵamy men «Ýz­be­kıs­ton­temırıýlları» ak­sıo­nerlik qoǵamy arasyndaǵy ynty­maqtastyq týraly kelisim; Qazaqstan Respýblıkasy Qyzyl­orda oblysynyń ákimdigi men О́z­bekstan Respýblıkasy Naýaı oblysynyń hokımııaty arasyn­daǵy saýda-ekonomıkalyq jáne mádenı-gýmanıtarlyq sala­lar­daǵy ózara túsinistik týraly memorandým; Qazaqstan Respýb­lıkasy Ońtústik Qazaqstan ob­ly­synyń ákimdigi men О́zbekstan Respýblıkasy Tashkent oblysynyń hokımııaty arasyndaǵy saýda-ekonomıkalyq jáne mádenı-gý­manıtarlyq salalardaǵy ózara tú­sinistik týraly memorandým; Qazaqstan Respýblıkasy Ońtústik Qazaqstan oblysynyń ákimdigi men О́zbekstan Respýblıkasy Syrdarııa oblysynyń hokımııaty arasyndaǵy saýda-ekonomıkalyq jáne mádenı-gýmanıtarlyq salalardaǵy ózara túsinistik týraly memorandým; Qazaqstan Respýblıkasy Qarjy mınıstrligi men О́zbekstan Respýblıkasy Mem­lekettik keden komıteti ara­syndaǵy kontrabandamen jáne keden zańnamalarynyń buzy­lýymen kúres júrgizýdegi ynty­maqtastyq týraly kelisim; Qazaq­stan Respýblıkasy Úkimeti men О́z­bekstan Respýblıkasy Úkimeti arasyndaǵy áskerı-tehnıka salasyndaǵy yn­ty­maqtas­tyq týraly kelisim; Qazaqstan Respýblıkasy Úkimeti men О́zbek­stan Respýblıkasy Úkimeti ara­syn­daǵy energetıka salasyndaǵy yn­ty­maqtastyqtyń birqatar máse­leleri týraly negizdemelik kelisim; Sý qa­ty­nastary salasyndaǵy ynty­maq­tastyq máseleleri jónindegi jol kartasy; Qazaqstan-О́zbekstan memlekettik shekarasynyń ótkizý pýnktteri men avtomobıl joldaryn qaıta jóndeý jáne jańǵyrtý, sondaı-aq tıisti aýmaqty abattandyrý jónindegi jol kartasy. 

Jıyn sońynda Qazaqstan Respýblıkasy Prezıdenti men О́zbekstan Respýblıkasy Pre­zı­dentiniń birlesken málimdemesine qol qoıyldy.

Dınara BITIK, 
«Egemen Qazaqstan» –
Tashkentten

Sýretter Prezıdenttiń baspasóz qyzmetinen alyndy