«Allaǵa shúkir, bıyl elimizden qajylyqqa attanǵan qandastarymyz tolyq otanymyzǵa oraldy. Barlyǵy din aman. Naýqastanyp kelgen keıbir azamattar jergilikti emhanalarda emdelip jatyr. Bıyl Qajylyq mıssııasymen barǵan dárigerler qajylarǵa medısınalyq kómek kórsetti. Otandyq dárilerlerdiń sanyn 3 esege kóbeıttik. Elimizden 1 mln teńgeniń dári-dármekteri Mekke men Mádına qalalaryna jetkizilip, naýqastanyp qalǵan otandastarymyz der kezinde qajetti dárilermen qamtamasyz etildi. Mıssııa óz jumysyn joǵary deńgeıde atqaryp keldi», – dep atap ótti Bas múftı Erjan qajy Malǵajyuly.
Kezdesýge Din isteri jáne azamattyq qoǵam mınıstrliginiń ókili Baýyrjan Esmahan, Din isteri komıtetininiń bas sarapshysy Nurǵalı Qabylov, QMDB Qajylyq bóliminiń meńgerýshisi Beıbit Myrzageldıev qatysty.
Aıta keteıik, otandastarymyz tikeleı reıstermen Astana, Almaty, Shymkent qalalarynan Mádına men Jıdda shaharyna jetken bolatyn. Bıyl 2500 jerlesimiz qajylyq paryzyn ótep keldi.
