Jańaqalaǵa taza sý keledi

Osy jumystardyń nátıjesinde óńirdiń 65 myńnan asa turǵyny sapaly sýǵa qol jetkizedi. Buǵan deıin oblys turǵyndarynyń taza sýmen qamtylý kórsetkishi 36% bolsa, jyl sońyna deıin ol 42%-ǵa jetedi. 

Taza sýdyń zardabyn eń kóp tartyp otyrǵan aımaqtyń biri Jańaqala aýdany turǵyndary edi. Tipti aýdan ortalyǵynyń ózin­de taza sý tapshy bolyp, halyq qu­byr­dan aqqan sary sýǵa talaı na­ra­zylyq aıtqan-dy. Qudaıǵa shúkir, ja­ńa­qala­lyq­tardyń bul máselesi kóp keshikpeı she­shiletin boldy. Bul jóninde Batys Qazaqstan oblysynyń ákimi Altaı Kól­ginov Jańaqala aýdanyna jumys sapary kezinde habarlady.

Elbasynyń aýdandar men eldi mekend­er­di da­mytý jáne halyqtyń tur­mys jaǵd­aı­yn jaq­sart­ý týraly tap­syrmasyna səı­kes, Jańaqala óńi­rin­de atqarylyp jatqan jumys­tardyń barysy­men ta­nysqan oblys ákimi eń aldymen aýdanda aýyz sý má­selesin sheshý maqsatynda júzege asyp jat­­qan jumystardy kórdi. Bul maqsatqa res­­­pýb­lı­kalyq bıýdjetten 2 mlrd teń­ge­den astam qar­jy qarastyrylǵan. Onyń 400 mln teńgesi bıyl bólinip, jumys bas­taldy. 

Eki jylǵa eseptelgen joba negi­zin­de uzyn­dyǵy 146 shaqyrym qubyr tar­tylady. 

– Bul – úlken joba. Sýdy Jańaqala men Bókeı Ordasy aýdandarynyń sheka­ra­syndaǵy Qulshyq degen jerden tartamyz. Qar­jylandyrý respýblıka bıýdjetinen qarastyrylǵan. Jumys endi bastaldy. О́ıtkeni merdiger kompanııalar shalǵaı aýyldarǵa shyqqysy kelmeıdi, konkýrsqa qatyspaıdy. Biz óz kezegimizde jumysqa ki­risken kompanııaǵa qoldaý kórsetetin bo­la­myz, biraq sapa men ýaqytqa qoıylatyn ta­­lap ta qatań. Budan bólek Pıatımar, Bir­­lik, Məshteksaı aýyldaryna sý quby­ryn jet­kizý jumystary júrýde. 8 eldi me­ken­ge aýyz sý jetkizemiz. Jalpy, Jańa­qa­la aýdanyn damytý úshin 5 mlrd 600 mln teńge qaralǵan. Bul – rekordtyq kór­set­kish, – deıdi Altaı Kólginov.

О́ńir basshysynyń aıtýynsha, Oral qalasyn Bó­keı Ordasy men Jánibek aýdandaryna jal­ǵaı­tyn joldardy salý úshin de memleket qarjy bó­lip otyr. Biraq oblys ortalyǵynan 500-600 sha­qyrym qashyqta jatqan bul óńirlerge jol salý úshin bel­se­nip shyǵar merdiger tabylmaı tur. «Múmkin jol qurylysymen aına­ly­sa­tyn kompanııalar úshin konkýrs talap­ta­ryn ózgertý kerek shyǵar. О́ıt­keni qala men aýyldyń jaǵdaıyn salystyrý qate. Biraq ekeýine de talap birdeı qoıyl­ǵan. Sondyqtan bul máseleni sheshý úshin ju­mystanamyz» deıdi oblys ákimi jýrnalısterge bergen suhbatynda. 
Dál qazirgi tańda Jańaqala aýdanynda 4 eldi me­kenge gaz qubyry tartylyp, aýdan orta­ly­ǵyn­daǵy 7 kóshege asfalt tó­selip jatyr. Bul jumys aıaqtalǵan kezde aýdan turǵyndarynyń kógildir otynmen qam­tylý deńgeıi 86%-dan 97%-ǵa jetip, aýyz sýmen qamtylý 70 %-dy quraıtyn bolady.

Qazbek QUTTYMURATULY,
«Egemen Qazaqstan»

Batys Qazaqstan oblysy