Elbasynyń tapsyrmasyn oryndaý– el turmysynyń jaǵdaıyn jaqsartý degen sóz

Qazaqstan Prezıdenti Nur­sul­tan Nazarbaevtyń ústimizdegi jyl­ǵy Qazaqstan halqyna arnal­ǵan Joldaýyndaǵy basty baǵyt­tar­dyń biri – aýyl sharýa­shy­ly­ǵy­nyń negizgi salalarynyń ishindegi asyl tuqymdy iri qara mal basynyń sanyn kóbeıtý, et ónim­deriniń sapasyn kóterip, shet elderge satý deńgeıin ulǵaıtý. Elba­sy­myzdyń osy bastamasyn aýyl jurty óte joǵary qanaǵattanǵan sezimmen, erteńgi kúnge degen úlken senimmen qarsy aldy. Halqymyzdyń atadan muraǵa qalǵan kásibine osyndaı joǵary kóńil bólinip, ony damytýǵa jetkilikti qarjy qarastyrylyp, baǵ­dar­lamanyń oryndalýyna «Nur Otan» partııasy jáne qoǵam tara­py­nan baqylaý qoıylýy ornyqty ári osy kúnniń talap-tilegine saı edi. Sebebi, belgili ǵalymdar men tájirı­beli sarapshylardyń pikirleri bo­ıynsha, munaı men taý-ken óner­kási­binen keıin mal sharýa­shylyǵy – týǵan elimizdiń jetistigi men jeńi­sin dúnıe júzine la­ıyqty kór­se­te alatyn qýaty jetkilikti, múm­kindigi ulan-ǵaıyr sarqylmas sala. Elbasy óziniń Qazaqstan hal­qy­na Joldaýynda atap ótkendeı, asyl tuqymdy mal sharýashy­ly­ǵyn damytý el ishinde, qala men aýylda biraz ónerkásip pen kásip­ker­likti damytyp, jańa jumys oryndaryn taýyp beretin paıda kózi bolady. Eń bastysy, Elba­sy­myz­dyń tapsyrmasynyń aýyl kóri­nisin ózgertýge, malmen aına­ly­­­satyn azamattar otbasynyń tur­­mysy men hal-ahýaldaryn kó­te­rý­ge áseri men yqpalyn ýaqyt oz­dyr­­maı der kezinde paıdalaný qa­jet. О́kinishke qaraı, osy aýqym­dy da mańyzdy shara áli de bolsa bas­qarý oryndarynyń nazarynan tys, kenje qalyp jatqandaı. Ha­lyq turmysyn kóterý úshin eń al­dy­men mal ósirip, bordaqylap já­ne onyń ónimderin óńdeıtin kásip­kerlerge qolaıly jaǵdaı jasalýy tıis. Shúkirshilik, el Prezıdentiniń tapyrmasy boıynsha kásipker­ler­ge Úkimet tarapynan tıisti kómek kórsetilip, qamqorlyq jasalýda. Táýelsizdiktiń bastapqy kezeńin­degi­deı emes, qazir kásipkerlerge beriletin nesıeniń túri de, kólemi de ósip, jer alý, kásiporyn ashýmen baılanysty sharalardy at­qarý tııanaqty uıymdastyrylǵan. Degenmen de, keshe ǵana irge kóter­gen, etek-jeńin áli tolyq jınap úlgirmegen, bererinen alary kóp, kelesheginen úmit qana kúttiretin uıymdarǵa qaraǵanda, kásipker­likte tájirıbe jınap, ózin-ózi ta­ny­ta bilgen, áriptesterinen kósh ilgeri turǵan mekemelerge Úkimet tarapynan alar kómegi men qol­daýy erekshe de ózgeshe bolýy kerek. Úkimet senimine ıe bolǵan, ár deńgeıdegi bankterge tııanaqty áriptes jáne óndirgen ónimderi jurt kóńilinen shyqqan kásip­oryn­dardy endigi kezekte shet elderde irge tigip, tamyr jaıýyna bılik tarapynan naqty qoldaý qajet. Sondyqtan shet jerde Úki­met pen kásipkerler bir jeńnen qol, bir jaǵadan bas shyǵarǵanda ǵana Elbasymyzdyń tapsy­r­masyn oıdaǵydaı iske asyramyz. Kelesi bir qobaljytatyn má­sele – Memleket basshysynyń tap­syrmasy boıynsha boı kóterip, jumys ornyn ashyp, ónim shyǵara bastaǵan jańa kásiporyndardyń el turmysyna tıgizer paıdasy men yqpalyn bilsek te, áli de bolsa, uıymdastyrýǵa enjar qarap kelemiz. Kásipkerlerdi aýyldaǵy ár túrli toı-tomalaqqa, múgedek jan­darǵa kómekke qarjy bólýge nemese jem-shóp, otyn-sý berýge, t.b. qajetti, biraq usaq-túıek sha­rýa­larǵa ǵana uıym­dasty­ra­myz. Al mal bordaqylaý kásip­or­ny ornalasqan shalǵaıdaǵy aýyl­da basqa istiń bári tyndyryldy ma? Qaı kezde bolsa da ár túrli sebeptermen aýylda balabaqsha, mek­tep, mádenıet oshaqtary, tur­mys­tyq qyzmet kórsetý deńgeıi kóptiń kóńilinen shyǵa bermeıdi. Son­dyq­tan aýdan, aýyl ákimderi óńirdegi irge tikken iri sharýa­shy­lyqtan túsken paıdany, ásirese, qatar­daǵy maman men jumysker bolyp júrgen jergilikti azamat­tardyń aılyq tabystaryn aýyl ıgiligine jaratý jaǵyn qaras­ty­ryp, sheshim qabyldaýdy ýaqyt­pen sanaspaı tez atqarýlary kerek. Ol úshin sapaly taýarlarǵa toly dúkender, aqyly qyzmet qórsetetin mekemeler, t.b. uıym­dar qajet. Eń negizi – basy ashyl­sa boldy, sońynan bir-birine ilesip básekelese oty­ryp qalǵan­dary da jónge túse bereri sózsiz. Mal bordaqylaıtyn alańdar men et óńdeıtin kásip­oryn­­darǵa irgeles aýyldarǵa qa­zir­diń ózinde basqa eldi mekenderden azamattar kóship kelip jatyr. Olardyń turmysyna ońtaıly jaǵ­daı tý­ǵy­zý – jergilikti bas­qa­rý oryn­dary­nyń quzyryndaǵy shara. Elbasymyzdyń asyl tuqymdy mal sharýashylyǵyn damytý, aýyl turmysyn túbegeıli ózgertý, qa­zaq­standyq sapaly ónimderdi shet elderge shyǵarý, jańa tehnolo­gııa­lardy meńgerý týraly tapsyr­ma­syn oryndaýda kásipkerler men jergilikti bılik oryndary qoıan-qoltyq is atqarýy qajet. Biri kásiporyn salyp, jańa jumys oryndaryn ashsa, ekinshisi olar­dyń turmysyna qolaıly jaǵdaı, jaqsy jol, aqyly qyzmet nysan­daryn uıymdastyrýy kerek. Tek sonda ǵana alǵa qoıǵan maqsatqa qol jetkizemiz. Tólegen IBRAEV, Májilis depýtaty.