Sonymen qatar Elbasyna el táýelsizdigi jolyndaǵy kúreste tanymal bolǵan belgili tarıhı qaıratkerler – handar, bıler jáne batyrlar sýretteriniń galereıasy kórsetildi.
Memleket basshysy Qarasaı aýdanynyń jurtshylyq ókilderimen kezdesti. Onda óńirdiń áleýmettik-ekonomıkalyq máseleleri men Almaty oblysynyń damý perspektıvalary talqylandy.
Memleket basshysy Qarasaı aýdanyndaǵy mýzeı qurylysymen tanysty.
Elbasy mýzeı ekspozısııasynda el Táýelsizdiginiń barlyq kezeńderin, sonyń ishinde Qazaqstannyń jańa elordasy – Astananyń salynýyn qamtý qajet ekenin atap ótti.
Mýzeı janynda táýelsiz Qazaqstannyń tarıhı damý kezeńderin beıneleıtin barelefti panno salynatyn bolady. Onyń ortasyna Memlekettik týdyń tuǵyryn ornalastyrý josparlanǵan.
Sondaı-aq Nursultan Nazarbaev Almaty qalasyna jáne Almaty oblysyna jumys sapary barysynda Shamalǵan aýylyna baryp, aýyldastarymen beıresmı áńgime ótkizdi.
Mýzeı qurylysy jeke adamnyń qarajaty esebinen júrgizilýde. Nysannyń qurylysy bıylǵy 1 jeltoqsanda aıaqtalady dep josparlanǵan.
Nursultan Nazarbaev, sonymen qatar Qarasaı aýdanyndaǵy dene shynyqtyrý jáne saýyqtyrý kesheniniń qurylysymen tanysty.
Qazaqstan Prezıdentine bul nysannyń qurylysy jeke qarajat esebinen júrgizilip jatqany málimdeldi.
Dene shynyqtyrý jáne saýyqtyrý kesheninde boks jáne kúres zaldary, júzý basseıni, tennıs korty, jattyǵý jáne ámbebap sport zaldary, 1000 oryndyq stadıony bar fýtbol alańy, sondaı-aq, medısınalyq kabınet pen kafe ornalasatyn bolady.
Sýretter Prezıdenttiń baspasóz
qyzmetinen alyndy
