"Kórmeniń aıaqtalýyna baılanysty qaladaǵy hostelderdiń kópshiligi jumys baǵytyn ózgertip jatyr. Olar uzaq merzimdi jalǵa berýge kóshti. Bul stýdentter men jumys babymen kelgen qonaqtarǵa qoljetimdi ári tıimdi usynys", - dedi "Astana konvenshn bıýro" JShS bas menedjeri Marat Álmaǵanbetov.
Onyń aıtýynsha, qazir orta eseppen hosteldegi bir oryndy jalǵa alý baǵasy aıyna - 25 myń teńge. "Oqý jylynyń bastalýymen keıbir hostelder jeńildik usynyp otyr. Sol jeńildikke seıkes, bir oryndy 20 myń teńgege alýǵa bolady", - dedi ol.
Aıta keteıik, EKSPO kórmesi kezinde Astanada 95 hostel jumys istedi. Ondaǵy jatyn oryn sany 4500 qurady. Sondaı-aq, ótken úsh aıda qalaǵa kelgen 22 myń meıman hostelderdi panalaǵan eken.
