Atap aıtqanda, ol ıadrolyq qarýdan bas tartqan elimiz danalyqtyń aıryqsha úlgisi bolyp tabylatynyn atap ótti.
«Qazaqstan burynǵy keńestik qarýlardy jáne ıadrolyq tehnologııalardy óz aýmaǵynan alyp tastady jáne ıadrolyq emes memleket retinde Iаdrolyq qarýdy taratpaý týraly shartqa qosyldy. Álemge qaýip tóndiretin alapat qarýdyń taralyp ketpeýine bastamashy bolǵan Elbasynyń mundaı qadamyn danagóı sheshim dep aıtýǵa tolyq negiz bar», dedi ol óz málimdemesinde.
Álemdik deńgeıdegi saıasattanýshylar sekildi amerıkalyq saıasattanýshylar qaýymy da Prezıdent N.Nazarbaevtyń ıadrolyq qarýsyzdaný máselesine qatysty rólin árkez joǵary baǵalap kelgen. Máselen, 2004 jyly AQSh kongresiniń múshesi, energetıka jónindegi palata ókildiginiń tóraǵasy Djo Barton KSRO qulaǵannan keıin bıologııalyq qarý men ıadrolyq baǵdarlamalar ortalyǵyna aınalýdyń qaýipti áleýeti bola tura, Qazaqstan mundaı múmkindikten óz erkimen sanaly túrde bas tartty. Al N.Nazarbaev bolsa, qoldaǵy qarýy úshin mıllıondaǵan dollar usynǵan qaısybir memleketterdiń qolqasynan bas tartyp, ajdaha-qarýdyń kózin qurtý arqyly Qazaqstandaǵy turaqtylyqty saqtaý jolyn tańdady», dedi.
AQSh Memlekettik hatshysy Reks Tıllerson Prezıdent Nursultan Nazarbaevpen kezdesýlerinde onyń mundaı sheshim qabyldaýynyń sebebin suraýdyń zor múmkindikteri únemi bolǵanyn eske alady. Al oǵan Elbasymyz osy sheshimi úshin eshqashan ókinbeıtindigin aıtyp, tipti «jas táýelsiz memleketimiz úshin atqarǵan eńbegimniń eń mańyzdysy», dep eskertýiniń ózi áserli jaıt.
Zarema ShÁÝKENOVA,
Prezıdent janyndaǵy Qazaqstan strategııalyq zertteýler ınstıtýtynyń (KAZISS) dırektory
