IT-kvartaldyń basty mindeti – birlesken jumystan sınergetıkalyq nátıjeni alý úshin tehnologııalyq kompanııalardy biriktirý. Qazirgi tańda QR-daǵy IT-kompanııalardyń 60%-dan astamy Almatyda jumys jasaıdy. IT-kompanııalardy bir alańda shoǵyrlandyrý otandyq mamandardyń biliktiligin kóterýge, kúrdeli jobalardy júzege asyrýǵa jáne uzaq merzimdi sharttardy jasasýǵa múmkindik bermek.
«Innovasııalyq tehnologııalar parki» derbes klasterlik qory (Almaty Tech Garden brendimen qyzmet jasaıdy) IT-kvartaldy qurý týraly bastamasyn eldegi aqparat jáne kommýnıkasııa salasyn damytý jáne eldi sıfr júıesine kóshirý mindetin tıimdi júzege asyrý maqsatynda QR Úkimetiniń qoldaýymen júzege asyrýda.
«Jibek Joly» bıznes ortalyǵynda ornalasqan IT-kvartal 17000 sharshy metr aýmaqty alyp jatyr. Ústimizdegi jyldyń sońyna deıin onda 10 IT-kompanııa jáne 15 startap jaıǵaspaq. 2018 jyly 20 IT-kompanııany jáne 50 startapty tartý kózdelip otyr. IT-kvartal damyǵan saıyn onyń alańyn keńeıtý úshin Halyqaralyq aqparattyq tehnologııalar ýnıversıtetimen birlese jeke kampýsty salý múmkindigi qarastyrylyp qoıǵan.
IT-kvartaldyń basty artyqshylyǵy – rezıdentterdiń IBM, ARM, Autodesk, 1S syndy basqa da mamandandyrylǵan zamanaýı platformalarǵa qol jetkize alatyndyǵynda. Sonymen qatar, «Innovasııalyq tehnologııalar parki» Arnaıy ekonomıkalyq aımaǵynyń eksaýmaqtylyq týraly sharttaryna sáıkes keletin kompanııalar áleýmettik salyqtan, jer salyǵynan, korporatıvtik kiris salyǵynan, múlik salyǵynan bosatý syndy salyqtyq jeńildikter men artyqshylyqtarǵa ıe bolady. Qazirgi tańda eksaýmaqtylyq qaǵıdasyna sáıkes «Innovasııalyq tehnologııalar parki» AEA-nyń artyqshylyqtaryna ıe bolǵan Almatydaǵy 45 kompanııa IT-kvartalǵa qatysýǵa múmkindigi bar. IT-kvartal aýmaǵynda ınnovasııalyq startaptardyń shoǵyrlanýy onyń damýyna úlken qozǵaý salmaq. Ústimizdegi jyldyń qazanynda Almaty Tech Garden halyqaralyq Startup Kazakhstan baǵdarlamasyn iske qosqaly otyr. Onyń qatysýshylary IT-kvartalda ornalaspaq. Startup Kazakhstan - otandyq startaptardy damytyp, sheteldik startaptardy elge tartýǵa baǵyttalǵan tuńǵysh aýqymdy qazaqstandyq baǵdarlama. Ol Almaty Tech Garden jáne GVA Capital-GVA Alatau Fund-tyń ortaq venchýrlyq qory arqyly qarjylandyrylatyn bolady. Startaptarǵa quıylatyn ınvestısııalardyń kólemi 100 000 dollarǵa deıin jetedi. 2020 jylǵa deıin 500-ge tarta ınnovasııalyq startap qarjylandyrylyp, joǵary tehnologııalyq, eksportqa baǵdarlanǵan 50 kompanııa ınkýbasııalanady. О́tken aıda Almaty Tech Garden GVA uıymymen birlesip, Kremnıı alqabynda tuńǵysh resmı tehnologııalyq ókildigin ashty. Osylaısha Startup Kazakhstan qatysýshylarynyń damýyn jedeldetý (daıarlaý) sharalary ishinara Kremnıı alqabynda (AQSh) júrgiziletin bolady.
Sonymen qatar, Qor balamaly qarjylandyrý kózderi, sonyń ishinde sıfrlik tokender arqyly startaptarǵa kómektesýdi josparlap otyr. Keıde ICO nemese «Initial Coin Offering» dep atalatyn bul sıfrlik tokender – qazir búkil álemde tanymaldyǵy qarqyndy túrde damyp kele jatqan blokcheın tehnologııasy negizinde ınvestısııalardy tartýdyń jańa ádisi. Startup Kazakhstan qatysýshylaryn ICO-ǵa shyǵýǵa daıyndaý úshin ICO-ınkýbatordy iske qosý josparlanǵan.
«Jetekshi ınnovasııalyq ortalyqtarmen yntymaqtasý startap ekojúıesin damytýdyń negizi bolyp tabylady. Kremnıı alqabynda ókildiktiń iske qosylýy ınnovasııalyq ortany damytýǵa, ozyq tehnologııalarǵa suranysy joǵary jahandyq jelige birikken sheteldik startaptardy tartyp, qazaqstandyq startaptardy oqytýǵa esik ashyp otyr», - dedi Global Venture Alliance basqarýshy seriktesi Leırd Kagan.
Almaty Tech Garden-niń «Astana» Halyqaralyq qarjy ortalyǵymen ózara árekettesýi osy sharalardy júzege asyrý kezinde úlken demeý jasamaq. 20 qyrkúıek kúni Astanada Almaty Tech Garden, AHQO jáne GVA blokcheın tehnologııasyna arnalǵan ekojúıeni qurý salasynda yntymaqtasý jóninde memorandýmǵa qol qoıdy. Osyǵan qosa, Aqyldy tehnologııalardy damytý ortalyǵy qurylatyn bolady. Ol IBM-men birlesken «Zııatkerlik júıeler», EcoDomus jáne Autodesk-pen birlesken «BIM+ zerthanasy», brıtandyq IntelliSense.io kompanııasymen birlesken «Sıfrlik ónerkásip» syndy úsh ortalyqtan turatyn bolady.
«IT-kvartaldy ashý arqyly biz IT-kompanııalarǵa ortaqtasyp, sınergetıkalyq nátıjege jetýge múmkindik beretin jaıly ınfraqurylymdy qala ishinde jasap berip otyrmyz. Biz osy alańdy baǵdarlamashylarǵa, ınnovatorlarǵa, jańa ıdeıalar, ozyq tehnologııalar men tyń sheshimderdi jasaýmen aınalysatyn jasampaz tulǵalarǵa usynyp otyrǵanymyzǵa qýanyshtymyz. Sonymen birge, biz «ITP» AEA negizinde mashına jasaý, jańa materıaldar, geologııalyq barlaý syndy aýyr ónerkásipterdi ınnovasııalyq turǵyda damytýǵa baǵyttalǵan ekojúıeni damytýdamyz. Kezeń-kezeńimen áreket ete otyryp, biz Indýstrııa 4.0, Jańa materıaldar jáne Mashına jasaý syndy baǵyttarǵa arnalǵan Biliktilik ortalyqtaryn qalyptastyryp jatyrmyz. Sondaı-aq, AEA bazasynda geologııalyq klasterdi qurý múmkindigi pysyqtalyp, jer qoınaýyn paıdalanýshy iri ınvestorlardy tartý baǵytynda jumys júrgizilýde. Osylaısha «IPT» AEA ekonomıkanyń negizgi salalaryn sıfrlendirý jónindegi mindetti júzege asyrýǵa arnalǵan basty qorlardyń birine aınalýy úshin qajetti biliktilikter men jaǵdaılar jasalýda», - dep atap ótti Almaty Tech Garden bas dırektory Sanjar Kettebekov.
Arman OKTIаBR,
«Egemen Qazaqstan»
ALMATY
