«Latyn qarpine kóshý arqyly biz memlekettik tilimizdiń órisin odan ári keńeıtip, halyqaralyq dárejege shyǵýyna jol ashamyz. Latyn álipbıin úırenýdiń esh qıyndyǵy joq dep oılaımyn. Eń bastysy, qazaq tiliniń tól dybystaryn bildiretin segiz dıgrafty úırenip alsaq bolǵany», deıdi Demokratııalyq kúshterdiń «Qazaqstan-2050» aımaqtyq koalısııasynyń tóraǵasy Ánýarbek Muhtarhanov.
«Aýyl» sosıal-demokratııalyq partııasy oblystyq fılıalynyń tóraǵasy Farıd Abıtaev latyn qarpine kóshý buryn tájirıbemizde bolǵandyqtan, osy qarippen biraz ýaqyt gazet-jýrnaldar, kitaptar shyqqandyqtan asa qıyndyq týdyrmaýy tıis dep sanaıdy. «Latyn qarpine kóshýge baılanysty qoǵamda ártúrli pikirler aıtylyp jatyr ǵoı. Olaı bolýy zańdy da. Qazaq tiliniń buryn da latyn jazýyna kóshkenin eskersek, búgingi bul úrdistiń halyqqa esh qıyndyq týǵyzbaıtyndyǵyna senim mol. О́ıtkeni latyn qarpi arab jazýy nemese kırıll tańbasyna qaraǵanda qoldanǵanǵa jeńil ári qoljetimdi. Al aýyl mektepterin qajetti oqýlyqtarmen, ádistemelik qosymshalarmen qamtamasyz etý máselesi memlekettik deńgeıde sheshilýi tıis dep oılaımyn», deıdi ol.
Azamat QASYM,
«Egemen Qazaqstan»
О́SKEMEN
