Al KazEqui-2017 shoýyn uıymdastyrýshylardyń da bul jerde utary mol. Olar qanymyzda bar úrdis – jylqy ustaýdy sánge aınaldyryp, kıeli janýarǵa degen qurmetti arttyrýdy murat tutady.
Jáne osy oqıǵaǵa ekinshi jyl qatarynan uıytqy bolyp júrgen Chamberlain elimizde ǵana emes, Orta Azııada jylqylarmen «jumsaq ádispen» (NaturalHorsemanship) jumys isteıtin jalǵyz at klýby sanalady. Jylqylardyń psıhologııasy men fızıologııasyna negizdelgen bul ádispen attar úıretilgen kezde olar taǵalanbaıdy, uryp-soǵylmaıdy. Jáne klýbtyń aınalasynda tabıǵı jaıylym, attar shomylatyn basseın bar.
KazEqui-2017 kórmesiniń kózdegeni – at ta adamnyń san ǵasyrlar boıǵy dosy – minse kóligi, shapsa júırigi, jaýǵa attanǵanda serigi ekenin dáleldeý.
Rasynda bul jerde jylqy adamnyń serigi ekenin seziný qıyn emes. Ol az bolsa, ata-babalarymyz da jylqy adamdy emdeıtinin bilgen ǵoı. Attyń ústinde júrgen adamǵa kesel jolamaıtynyn baıqaǵan.
Endi osy zamannyń adamdary umyt bola bastaǵan úrdiske qaıta orala bastady. Keıbir elderde qolǵa úıretilgen attarmen reabılıtasııalyq, psıhologııalyq jáne basqa da saýyqtyrý sharalaryn júrgizedi. Balalardyń boıyndaǵy týa bitti keselderdiń birqataryn HorseDream ádisimen emdeledi.
Qazir Almatydaǵy atalmysh at klýbynda da qajet bolǵan jaǵdaıda osyndaı ekvıterapııa ádisi arqyly (ıppoterapııa) adamdar jylqymen emdeledi. Munda jazda attardy jaqsy kóretin balalarǵa arnalǵan jazdyq lagerler uıymdastyrylady. Tize berseń qyzyǵy kóp.
Eń bastysy, bıyl KazEqui-2017 halyqaralyq kórmesiniń aıasynda ejelgi túrkiler men úndis ańyzdaryna negizdelgen sahnalandyrylǵan qoıylymdar júrdi. Bas rólderde attar men atbegiler oınaǵan «spektaklderge» Reseıden kelgen attarmen erkin NaturalHorsemanship ádisimen jumys isteıtin Alekseı Berkov rejısserlik etti.
Sonymen attardyń jarysyna Irına Stıgler (Italııa), Iаn Kalıs (Gollandııa), Igor Bochkarıov (Reseı), Nurlan Tileýlesov (Qazaqstan) syndy belgili atbegiler qazylyq etti.
Jıynda eń kishkentaı ponı de kórsetildi. «Gýlıver» atty ponıdiń qazirgi ýaqyttaǵy boıy bar-joǵy 45 santımetr.
Bıylǵy «KazEqui-2017» jylqylar kórmesine Shanhaı yntymaqtastyǵy uıymynyń Iskerlik keńesi men Qazaqstan halqy Assambleıasy, Eýrazııa áıelderiniń alıansy qoldaý bildirdi.
Úsh kúnge sozylǵan ári kórme, ári jármeńke, ári sulý attardyń sherýinde jeńimpaz taza tuqymdy arab jylqysynyń qulynyna qol jetkizdi.
Aınash ESALI,
«Egemen Qazaqstan»
ALMATY
