«Esterińizge sala keteıik, osydan birer saǵat buryn О́zbekstan men Qazaqstan sportshylary altyn medaldar sany jaǵynan teńeskenin habarlaǵan bolatynbyz.
Mine, kóp uzamaı qazaqstandyq sportshylar el qorjynyna eki altyn medal salyp, ózbek qarsylastaryn besinshi orynǵa syrǵytty», deıdi Halyqaralyq aqparat agenttiginiń tilshisi Kúnsultan Otarbaı.
«Qazir Qazaqstan qorjynynda 25 altyn, 26 kúmis, 33 qola medal bolsa, О́zbekstanda 23 altyn, 30 kúmis, 67 qola medal bar. Al kósh basynda Túrikmenstan sportshylary tur. Olar jalpy medaldar sanyn 236-ǵa jetkizdi, onyń 87 - altyn, 67 - kúmis, 82-si qola medal. Ekinshi oryndy eki kúnnen beri Qytaı sportshylary ýysynda ustap keledi. Olardyń enshisinde 38 altyn, 28 kúmis, 23 qola, jalpy 89 medal bar. Úshinshi orynǵa 26 altyn, 18 kúmis, 59 qola, barlyǵy 103 medal ıelengen Iran quramasy jaıǵasyp otyr.
Aıta keteıik, atalmysh baıraqty doda erteń, ıaǵnı 27 qyrkúıek kúni óz máresine jetedi. Bul dodada el namysyn qorǵaýǵa Qazaqstannyń 150 sportshysy attanǵan bolatyn. Olar jarystyń 17 túrinen synǵa túsýde», dep túıindelipti atalǵan aqparattyq maqala.
