Osyndaı jaǵdaıda kóknár, qarasora naǵyz tabys kózi. Jaqynda Maqtaaral aýdanynda jumysy joq bir azamat jeńil paıda tabamyn dep quryqqa tústi.
Bir azamattyń qarasora egetindigi jóninde aqpar alǵan Maqtaaral AIIB qyzmetkerleri kúdiktiniń úıine keledi. Syrt kózge ilik izdeıtindeı dúnıe joq. Aýlada qoldaǵy maldyń qystaıǵy azyǵy – bir maıa shóp jınalǵan. Polısııa qyzmetkerleri maıany ashyp qarasa, arasyna sora egilgen eken.
Sonymen, polısııa qyzmetkerleri zattaı dálel retinde jalpy salmaǵy 1,5 kılo bolatyn 6 túp sora jáne 130 gr keptirilgen marıhýana tárkileıdi. Kúdiktiniń úıin tintip shyqqan tártip saqshylary qaǵazǵa oralǵan 15 gr bolatyn esirtki zattaryn da tapty.
Osyǵan oraı Maqtaaral AIIB qyzmetkerleri QK 4-i baby boıynsha qylmystyq is qozǵady. Zerthanalyq tekserý taǵaıyndaldy. Kúdikti qamaýǵa alynyp, sotqa deıingi tergeý amaldary jalǵasyp jatyr.
Sora egemin dep sormańdaı bolǵan azamat endi shermende kúı keship otyr.
Baqtııar TAIJAN,
«Egemen Qazaqstan»
Ońtústik Qazaqstan oblysy
