Voice to text - aýyzsha aıtylǵan sózdi mətin men dybys túrinde aýdarýǵa múmkindik beretin, dybysty taný júıesi arqyly júzege asyrylatyn tehnologııa. Osy rette Ulttyq aýdarma bıýrosynyń atqarýshy dırektory Raýan Kenjehanuly jańadan qolǵa alynǵan júıe boıynsha alda atqarylatyn jumystarǵa toqtaldy.
"Qazaq tiliniń 15 tomdyq túsindirme sózdigi bar. Osy sózdiktegi barlyq sóz tirkesteri men sózder qazaq tilinde dybystalýy kerek. Bul jumysqa Beeline kompanııasy 4 mln teńge bólip otyr. Keıin dybystalǵan faıldardyń barlyǵy sapaly túrde óńdelip, Google kompanııasyna jiberiledi. Olar biz jibergen materıaldardy qaıtadan óńdep, júıege engizedi. Odan keıin birtindep aýdarma nusqasyn beredi. Ol nusqalardy biz baǵalap bolǵannan keıin atalǵan joba iske qosylady. Osy jumystyń barlyǵyna shamamen eki jyl ýaqyt ketedi dep josparlap otyrmyz", - dedi Raýan Kenjehanuly.
Konferensııa barysynda Beeline Qazaqstan kompanııasynyń Korporatıvtik kommýnıkasııa dırektory Alekseı Bendz Google kompanııasy atalǵan jobaǵa jan-jaqty kómek kórsetip, qazaqstandyq taraptan jasalǵan usynysty birden qoldaǵanyn atap ótti. "Birneshe jyl buryn biz Google Translate júıesine qazaq tilin qosýǵa usynys bildirgende, olar bizdi birden qoldaı ketken joq. Jasyratyn eshteńe joq dep oılaımyn. Qazaqstanda halyq sany az. Iаǵnı, jahandyq kompanııa úshin qyzyǵýshylyq týdyrmaǵanymyz belgili. Biraq olar bizge qural berip, kraýdsorsıng arqyly ózderińizge kómektese alatyn adamdar taýyp, istep kórińizder dedi. Qolymyzdan kelse, bizdi qabyldaıtyndaryn aıtty. Biraq, birneshe aptada qazaq tiline myńdaǵan sóz engizip, bir jyldaǵy jumys nətıjesinde qazaq tili Google Translate júıesine qosylǵan bolatyn. Al Voice-to-text júıesine qazaq tilin qosý týraly usynysymyzdy kompanııa birden qabyldady", dedi Alekseı Bendz. Onyń aıtýynsha, aýyzsha aýdarma qyzmetiniń mańyzy zor. "Qazaq tilinen keıin Google Translate júıesine 14 til engizilgen. Oǵan bizdiń təjirıbemizdiń əser etkeni biz úshin zor maqtanysh", deıdi A.Bendz.
Esterińizge sala ketsek, Google Translate júıesinde búgingi tańda 103 til bar. Ony kúnine əlem boıynsha 200 mln adam qoldanady. Al aýyzsha aýdarý qyzmeti 32 tilde jumys isteıdi.
Gúlnur Qýanyshbekqyzy,
"Egemen Qazaqstan"
