Osy oqıǵaǵa arnalǵan rásimge qatysý úshin Amsterdam qalasynan arnaıy Áýezovtiń nemeresi Zıfa-Alýa Muratqyzy keldi. El aqsaqaldarynyń batasymen boı kótergen bul baqtyń bolashaqta kópshilik kózaıymyna aınalary anyq.
Baq otyrǵyzý kásibimen ondaǵan jyldar boıy aınalysyp kele jatqan Gózel Quljabaeva uly adamdar atyndaǵy baq ashý ıdeıasynyń qalaı bastalǵandyǵy týraly bylaı deıdi: «Fransııaǵa alǵash barǵanymda, sondaǵy dostarym Napoleonnyń basyna alyp bardy. Ol jerdiń úrdisi boıynsha, eskertkishke jaqyndamas buryn, bes ret basyńdy ıip, taǵzym etýiń kerek eken. Sol jerde maǵan «Aıdaladaǵy fransýz qolbasshysynyń arýaǵyna, ózimniń uly Abaıymnyń rýhyna nege táý etpeımin?!» degen oı sap ete qaldy. Elge oralǵannan keıin Jıdebaıǵa bardym. Biraq Abaı atyndaǵy baq ashý jónindegi usynysym jergilikti bılikten qoldaý tappaı, oıdaǵy isimdi týǵan jerimde júzege asyrdym deıdi ol bizge aǵynan jarylyp.
Oraıy kelip turǵanda aıtý paryz. Gózel hanymnyń demeýshiligimen buǵan deıin bul óńirde gúlstandyqtar 2011 jyly 2 gektar jerge qaraıǵaıly baq, 7 gektar jerge Kókterek baǵyn, 2013 jyl Halyq artısi Nurǵalı Núsipjanovtyń qurmetine 5 gektar alma baǵyn, byltyr 10 gektar aýmaqqa «Batyr analar» saıabaǵyn el ıgiligine bergen edi.
Munyń ber jaǵynda sońǵy jyldary Kerbulaq aýdanynyń Basshı aýylyndaǵy Raıymbek atyndaǵy orta mektep Nurym jáne Araltóbe aýyldaryndaǵy bilim uıalaryn, «Búldirshin» balabaqshasyna «О́simdikter álemin » syıǵa tartqan da osynaý jaısań jan.
Endeshe Nurymdaǵy «Áýezov baǵy» túkpirdegi aýyldyń kórki ǵana emes, berisi – Qazaqstannyń shóldi shalǵaıyndaǵy turǵyndardyń, árisi – bolashaq urpaqtyń ıgiligine aınalary aqıqat.
Aınash ESALI,
«Egemen Qazaqstan»
ALMATY
