Latyn álipbıine kóshý máselesi erteden talqyǵa túsip, qoǵamdaǵy ózekti máselelerdiń biri bolǵany belgili. Dál ýaqytynda qolǵa alynyp otyrǵan bul úderis, ásirese qazaqstandyq jastarǵa ǵylym men tehnıkany meńgerýge jol asha otyryp, tól álipbıimizdiń qaıta jańǵyrýyna múmkindik bermek. Latynǵa kóshkenimizde utatyn tustarymyz, birinshiden tilimizdegi qazirgi jat dybystardy tańbalaıtyn áripterdi qysqartyp, sol arqyly qazaq tiliniń tabıǵı taza qalpyn saqtaýǵa múmkindik alamyz. Ekinshiden, qazaq tilin oqytqan ýaqytta basy artyq tańbalarǵa qatysty emle erejelerdiń qysqaratyny belgili. Ol mektepten bastap barlyq oqý oryndarynda oqytý úrdisin jeńildetedi. Ýaqyt ta, qarjy da únemdeledi. Úshinshiden, latyn álipbıine kóshý – qazaq tiliniń halyqaralyq dárejege shyǵýyna jol ashady. Qazaq tiline kompıýterlik jańa tehnologııalar arqyly halyqaralyq aqparat keńistigine kirigýge tıimdi jaǵdaı jasalady. Tórtinshiden, túbi bir túrki dúnıesi negizinen, latyndy qoldanady. Bizderge olarmen rýhanı, mádenı, ǵylymı, ekonomıkalyq qarym-qatynasty, tyǵyz baılanysty kúsheıtýimiz kerek.
Osy maqsatta elimizdegi «Nur Otan» partııasynyń janyndaǵy «Jas Otan» jastar qanatynyń belsendileri jastardyń arasynda latyn álipbıine kóshý jobasyn qoǵamdyq talqylaý aıasynda túsindirý jumystaryn bastap ketti. Biz Elbasy ıdeıasyn qyzý qoldap, osyǵan qajetti sharalardyń barlyǵyn júzege asyratyn bolamyz.
M.Ahmetov
«Jas Otan» korporatıvtik qorynyń basshysy
