Mysaly, «úzeńgi baýy segiz qabat, at ústinde shirenip» syndy turaqty tirkester, «Altyn eriń attyń arqasyna tıse, altynyn al da otqa jaq», «Atyńa janyń ashysa, shap aıylyn qatty tartyp min» degen ataly sózder de erekshe kútimniń belgisin bildiredi. Iаǵnı ata-babalarymyz at ábzelderiniń jylqyǵa jaıly da kózge kórikti bolǵanyn qalaǵan.
Aldyńǵy býynnyń jylqyǵa súıispenshiligin bildiretin at ábzelderine degen ózgeshe kózqarasyna búgingi býyn kýá bolyp keledi. Túrkistandaǵy «Áziret Sultan» memlekettik tarıhı-mádenı qoryq-mýzeıinde erekshe kórmeniń ashylýy da babalar murasyn urpaqqa amanat etýdiń bir kórinisi der edik. Kórmeni uıymdastyrýshylar Elbasy N.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda aıtylǵan – «jańǵyrý jolynda babalardan mıras bolyp, qanymyzǵa sińgen, búginde tamyrymyzda búlkildep jatqan izgi qasıetterdi qaıta túletýimiz kerektigin» basshylyqqa alypty. Mýzeıge qarasty Qoja Ahmet Iаsaýı kesenesiniń «Kitaphana» bólmesinde qoıylǵan «Tulpar sulý kóriner ábzelimen» kórmesinde halqymyzdyń baı tarıhy jaıly baıandaıtyn, kózdiń jaýyn alatyn jádigerler kópshilik qaýymǵa usynyldy. Elimizdiń barlyq oblystarynan jáne Almaty men Astana qalalarynan Halyqaralyq «Iаsaýıtaný» baıqaýyna qatysýshy oqýshylar men ustazdar kórmeniń alǵashqy kórermeni boldy. Osyndaı ıgi sharalar ulttyq qolónerimizdi nasıhattaýǵa, salt-dástúrlerimiz, tilimiz ben dinimiz, mádenıetimiz ben ádebıetimiz, jón-joralǵylarymyz, bir sózben aıtqanda, ulttyq rýhymyzdy boıymyzda máńgi saqtaýǵa septigin tıgizeri sózsiz. Ata-babadan keıingi urpaqqa mıras bolyp kele jatqan rýhanı dúnıe, óner týyndylaryn, ıaǵnı mádenı murany keńinen nasıhattaýdy maqsat etken kórmede at ábzelderi men babalarymyzdyń turmysynan syr shertetin kóne buıymdar arasynda eski qorymdardan tabylǵan zattar da bar. Turmystyq, sándik, jaýyngerlik maqsatqa oraı paıdalanylyp otyrǵan at ábzelderiniń san túri qazaq halqynyń turmysy jylqy malymen baılanysyp jatqanyn bildiredi. Kórme uıymdastyrýshylarynyń aıtýynsha, arheologııalyq biregeı buıymdar qalpyna keltirilmeı, sol kúıi qoıylǵan.
Ǵalymjan ELShIBAI,
«Egemen Qazaqstan»
Ońtústik Qazaqstan oblysy
