Kásipkerlikti qoldaý normalary tolyq iske aspaı otyr

Ekonomıkasy da­myǵan elderdiń bárinde ishki jal­py ónimniń kem degende 50 paı­yzyn osy ShOB ónimderi qu­raıdy. Bizdiń Prezıdentimiz de 2050 jylǵy merzimge deıin IJО́-niń 50 paıyzdyq kólemin ShOB ónimderiniń quraýyna qol jet­kizý kerektigin naqty aıtyp, Úkimetten osy baǵyttaǵy ju­mys­tardy jedeldetýdi talap et­ti. Ká­sipkerlikti retteıtin eń negizgi zań­namalyq qujat – Ká­sip­ker­lik kodeksinde de osy baǵytqa to­lyqtaı bir taraý arnalyp, ShOB-ty qoldaýdy retteýdiń má­se­­leleri qarastyryldy. 

О́kinishke oraı, osy kodekstiń qabyldanǵanyna bir jarym jyl ótse de onyń barlyq normalary ómirde oryndalyp otyrǵan joq. Máselen, kodekstiń 98-babynda Úkimet memlekettik satyp alý týraly zańǵa sáıkes shaǵyn jáne orta bıznes sýbektilerinen satyp alatyn taýarlar (jumystar, qyzmet kórsetýler) nomenklatýrasyn jáne kólemin bekitedi delingen. Otandyq ónim shyǵarýshylarǵa je­ńildikti qarastyrǵan zańnyń osy normasy ShOB úshin óte ma­ńyzdy. Bul norma tipti biz mú­shesi bolyp engen DSU-nyń talaptaryna sáıkes jazylyp, ShOB-ty qoldaý jónindegi preferensııalardy qarastyrǵan. Is júzinde osy preferensııalardy otandyq iri kompanııalar ǵana qoldana alyp otyr, óıtkeni ShOB óz ónimderin alys shetelderge, sonyń ishinde Amerıka men Eýropa elderine shyǵara al­maıdy. Árıne, osy turǵydan al­­ǵanda atalmysh normanyń iri ká­­sip­kerlik úshin mańyzy zor. Alaı­da, atalmysh normanyń ta­laptary ShOB-qa qatysty qol­danylmaı, memlekettik satyp alý júıesinde shaǵyn jáne orta bıznes ónimderiniń nomenklatýra­sy áli kúnge jasalmaı otyr. Dál osyndaı jaǵdaı kva­zı­mem­le­­­kettik sektorda da oryn al­­ǵan. Bul zańnamanyń ta­lap­­ta­ryn oryn­­­da­maý ǵana emes, Qazaq­stan­­nyń ult­tyq eko­no­mı­ka­lyq mú­d­de­­sine qarama-qaı­shy­lyq dep sa­naý­ǵa bolady. 

Osyǵan baılanysty «Aq jol» de­mokratııalyq partııasy frak­sııa­synyń músheleri Úkimet basshysy Baqytjan Saǵyntaevqa tómendegideı talaptar qoıylǵan saýal joldady:

1) Úkimet aktisiniń deńgeıinde mem­lekettik satyp alýlar qata­ry­na shaǵyn jáne orta bıznes sýbektileri ónimderiniń nomenklatýrasy jasalyp, bekitilsin; 

2) Dál osyndaı nomenklatýra kvazımemlekettik sektor úshin de jasalsyn; 

Osy saýalǵa «Aq jol» dem­ok­ra­tııalyq partııasynyń Má­ji­listegi fraksııasynyń barlyq mú­sheleri qol qoıdy

Danııa ESPAEVA,
Májilis depýtaty