Búginde elimizdiń ekonomıkasy damyp, halqymyzdyń áleýmettik jaǵdaıy kúnnen-kúnge kórkeıip keledi. О́z kezeginde azamattarymyzdyń ómir sapasy da jaqsaryp, turǵyndardyń densaýlyǵy túzelip, ómir súrý jasy ulǵaıý ústinde. Bul búgingi kúni memleket tarapynan atqarylyp jatqan, Elbasymyz Nursultan Nazarbaevtyń eren eńbegi men qamqorlyǵynyń arqasynda qol jetkizgen ıgi jetistikterimiz bolyp tabylady. Aldaǵy ýaqytta da atqarylar istiń aýqymy keń ekeni daýsyz. Sonyń biri – el turǵyndaryn sapaly aýyz sýmen qamtamasyz etýdi jalǵastyrý.
Aýyz sý máselesi bul Qazaqstannyń ǵana emes, búkil álemdik deńgeıdegi máselege aınalyp otyr. О́ıtkeni adam densaýlyǵy men ómiriniń sapasy osy aýyz sýǵa tikeleı baılanysty. Sondyqtan da memleketimiz bul máselege únemi zor jaýapkershilikpen qarap, halyqty aýyz sýmen qamtýda kóptegen sharýalardy atqaryp keledi. Onyń ishinde tıimdi jasalǵan «Aqbulaq» baǵdarlamasynyń mańyzy zor. Degenmen, osyndaı baǵdarlamalar aıasynda eldi mekenderdi aýyz sýmen qamtamasyz etý jumystary keıbir jerlerde óz dárejesinde atqarylmaı qalyp jatyr. Elge aýyz sý jetkizip berý maqsatynda bıýdjetten bólingen qarajat qumǵa sińgen sýdaı joǵalyp ketýde.
Sondaı jaıttardyń biri Almaty oblysy Uıǵyr aýdany Úlken Dıhan aýylynda oryn alyp otyr. Bul aýyldyń bir top turǵyndarynan osy jyldyń maýsym aıynda meniń atyma hat kelgen bolatyn. Hatta Úlken Dıhan aýylyn aýyz sýmen qamtý boıynsha memleket tarapynan 3 jyl buryn bastalǵan qurylys jumystarynyń aıaqsyz qalǵany jáne 2016 jyldyń qazan aıynda paıdalanýǵa berilýi tıis jobanyń oryndalmaǵany baıandalypty. Men óz kezeginde bul máseleni Qazaqstan Respýblıkasynyń Investısııalar jáne damý mınıstrliginiń aldyna qoıǵanymda ol mınıstrlik atalǵan qurylys jumystary bıylǵy jyldyń qyrkúıek aıyna deıin aıaqtalady dep jaýap bergen bolatyn. Biraq osy jyldyń shilde-tamyz aılarynda Parlament Májilisi depýtattarynyń halyqpen kezdesýi aıasynda men Almaty oblysy turǵyndarymen jolyǵyp, atalǵan Úlken Dıhan aýylyna arnaıy baryp, jaǵdaımen tolyq tanystym. Atalǵan joba qurylysy jartylaı bastalyp, aıaqsyz qalǵan kúıinde jatqanyn, eshqandaı qurylys jumystary júrgizilmeı tur-
ǵanyn kórdim. Aýylǵa qubyr tartý maqsatynda qazylǵan kanaldar ashyq-shashyq kúıinde qaldyrylǵan. Qazba jumystary barysynda aýyl eginin sýmen qamtamasyz etip kelgen aryqtar buzylyp, jaýyp tastalǵan. Nátıjesinde ondaǵan sharýa qojalyqtary jerlerin ıgere almaı, kásibin tastap ketip jatyr. Iаǵnı aýylǵa aýyz sý kelmegen, al egin sýy aryqtary jaramsyz bolyp qalǵan. Aýyldyń negizgi kóshesiniń boıy-
men qazylǵan kúıinde qalǵan kanaldar turǵyndarǵa jol qatynasyna yńǵaısyzdyq týyndatyp jatyr. Ol shuńqyrlarǵa tipti, keıbir azamattar qulap, aýyr jaraqat alǵan jaǵdaılar bolypty. Quny 161,3 mln teńgeni quraıtyn atalǵan jobaǵa 131 mln teńgesi bólinip qoıǵanmen jaýapty «Shahstroı» dep atalatyn merdigerlik kompanııa mindetin atqarmaǵan. Osy jaǵdaı búgingi kúnge deıin ózgerissiz kúıinde qalyp otyr.
Osy máseleni men depýtattyq saýal joldap, Premer-Mınıstr B.Saǵyntaevqa jetkizdim.
Shaımardan NURYMOV,
Májilis depýtaty
