Baldyrǵandarǵa barlyq jaǵdaı jasalsyn

Búgingi tańda elimizdegi kásiporyndar men mekemelerde, jergilikti jáne ortalyq memlekettik organdarda sábıleri mektepke deıingi memlekettik uıymdarǵa baratyn júzdegen myń ata-ana eńbek etip júr. Olar úshin qazir óz búldirshinderin balabaqshadan ýaqytynda alý máselesi eleýli problemaǵa aınalyp otyr. Se­bebi birinshiden, elimizdegi mektep jasyna deı­ingi mem­lekettik balalar mekemeleri, negizinen, tań­ǵy sa­ǵat 7.30-dan keshki 18.00-ge deıin ǵana ju­mys is­teıdi. Ata-analardyń kópshiliginiń jumys ýa­qyty da 18.00-ge deıin bolǵandyqtan, olar bala­baq­sha­larǵa belgilengen merzimde baryp úlgere almaı, qıyndyq kórip júr.

Ekinshiden, keı jerlerde (mysaly, Astana qalasynda) balalar men olardyń tárbıeshileriniń saǵat 18.00-den keıin balabaqsha ǵımaraty ishinde qalýlaryna ruqsat etilmegendikten, olar ata-analardy aýa raıynyń qandaı jaǵdaıynda bolsyn syrttaǵy aýlada kútýge májbúr. Aldaǵy qysqy mezgilde buǵanasy bekimegen, názik sábılerdiń óz ata-analaryn balabaqshanyń aýlasynda, sýyqta uzaq kútip qalýy olardyń densaýlyǵyna da zardap tı­gizeri anyq.

Úshinshiden, tárbıeshilerge bekitilgen jumys ýaqytynan tys qyzmet kórsetkeni úshin qosymsha aqy tóleý qarastyrylmaǵandyqtan, olar balalaryn ýaqytynda ala almaǵan ata-analarǵa renish bildirip, ózara kıkiljiń týyndaýda.

Tórtinshiden, keıbir ata-analar balabaqshaǵa tezirek jetý úshin asyǵyp, jeke kólikteriniń jyldamdyǵyn asyratyndyqtan, olar iri eldi mekenderde, ásirese úlken qalalardyń kóshelerinde túrli apattyq jaǵdaılar týǵyzyp júrgendigi de ja­syryn emes. Sondaı-aq jýyrda Astana qala­syn­daǵy balabaqshalardan shyǵyp, ata-anala­ryn kútip turǵan sábılerdi bóten, senimsiz kisi­lerdiń tárbıeshilerdi aldap, surap alyp ketýge árekettený faktileri oryn alǵandyǵy da alań­dat­paı qoımaıdy. Munyń ózi qoǵamda keıingi kez­de jıi­lep ketken pedofılııa qylmysynyń qaı­ta­lanýshylyǵyna ákelip soqtyrý qaýpin týǵy­za­tyn­dyǵyn eskergen jón. 

Osyǵan oraı saılaýshylarmen kezdesýler barysynda bizge ata-analar oryndy shaǵymdar bildirip, elimizdegi memlekettik balabaqshalardyń jumys ýaqytyn keshki 19.00-ge deıin uzartýǵa, nemese kezekshi toptar uıymdastyrýǵa járdemdesýimizdi ótindi. Sonymen qatar, qazirgi kezde mektepke deıingi memlekettik uıymdar tárbıeshileriniń kesh­ki saǵat 18.00-den keıin ata-analardyń bala­la­ryn alyp ketkenshe jumys istegen ýaqyty úshin qosymsha eńbekaqy tólenbeı otyrǵandyǵy qol­da­nystaǵy eńbek zańnamasyn buzýshylyq bolyp ta­by­latyndyǵyna sizdiń nazar aýdaryp, ony boldyr­maý jóninde tıisti shara qoldanýdyń qajettigin kó­rip otyrmyz.

Joǵaryda aıtylǵan jaılardy eskere otyryp, osy­naý ózekti máseleni respýblıka kóleminde jan-jaqty qarastyryp, ony ońynan sheshýdi óti­n­emiz, dep biz, depýtattar Beıbit Mamraev, Artýr Platonov – úsheýmiz Premer-Mınıstrdiń oryn­basary Erbolat Dosaevqa depýtattyq saýal joldadyq. Tárbıeshilerdiń jumys ýaqytyn 1 sa­ǵatqa uzartý, ol úshin memleketten bolmasa ata-ana­lardyń ózine aqy tóletýge ruqsat berý – qıyn má­sele emes qoı, sondyqtan ońtaıly sheshiler degen úmittemiz.

Káribaı MUSYRMAN, 
Májilis depýtaty