Osylaısha tek halal taýarlarmen aınalysatyn álemdegi tuńǵysh ınternet-dúken Ortalyq Azııanyń shaǵyn jáne orta bıznespen aınalysatyn kásipkerleri álemdik naryqqa shyǵýy úshin halyqaralyq elektrondy platformasyn usynyp otyr. Úlken qarqynmen damyp kele jatqan naryqtardyń birinde qyzmet júrgizip otyrǵan Aladdin keńseleriniń jelisi 4 mıllıardqa jýyq tutynýshysy bar 30 elde ornalasqan. Osynyń arqasynda platforma satýshylarǵa jergilikti qoldaý kórsetip, qaýipsizdigin qamtamasyz etip otyr. Bul kompanııanyń maqsaty da, mindeti de – halal standartyna sáıkes óndirilgen joǵary sapaly ónimderdi usynatyn álemdegi eń iri elektrondy naryqqa aınalý jáne de taıaý bolashaqta eń kiristi on elektrondy plaftormanyń qataryna ený. Al Aladdin Street Central Asia - Aladdin Group jáne «Nurali Group» JShS syndy eki kompanııanyń majorıtarlyq qatysýymen qurylǵan birlesken kompanııa. Kompanııany tabysty kásipker, kompanııanyń ortaq quryltaıshysy jáne dırektorlar keńesiniń tóraǵasy – Dato Berikqazy Seksenbaev pen Almaz Túbekov syndy tájirıbeli menedjerler toby basqarady. Aladdin Street Central Asia kompanııasynyń tóraǵasy jáne quryltaıshysy Dato Seksenbaev 659-den asa jankúıeri bar álemdegi eń iri ári tabysty fýtbol klýby sanalatyn Manchester United FC-men aıryqsha quqyq negizinde jahandyq seriktestik qurǵannyń arqasynda, satýshylar men satyp alýshylar Aladdinstreet jahandyq jelisinen paıda taba alatyndyǵyn aıtady.
Onyń oıynsha Aladdin Street halyqaralyq jelisi arqyly Qazaqstannyń ǵana emes, búkil óńirdiń ekonomıkasyn damytýǵa bolady.
Halal standartyna negizdelgen halyqaralyq elektrondy platformanyń qazirge básekelesteri joq. Halal sertıfıkattaý ortalyqtarymen, memlekettik mekemelermen, búkil álemdegi saýda jáne iskerlik birlestiktermen, qarjy ınstıtýttarymen yntymaqtasýymyz arqasynda satýshylar men jetkizýshiler naryqqa tikeleı shyǵyp, tolaǵaı tabysqa jetýge múmkindik alyp otyr.
Aınash ESALI,
«Egemen Qazaqstan»
ALMATY
