Jazǵy sport • 29 Qyrkúıek, 2017

Vınokýrov: «Almaty týrynda» «Astana Pro Team» komandasynyń eki kapıtany bolady

148 retkórsetildi

«Almaty týry – 2017» velojarysynda «Astana Pro Team» komandasynyń eki kapıtany bolady. Olar Alekseı Lýsenko men Iаkob Fýlsang. Bul týraly qazaqstandyq komandanyń bas menedjeri Aleksandr Vınokýrov aıtty, dep habarlady vesti.kz. Munymen qatar, Olımpıada chempıony lıderlerdiń daıyndyq kúıin jáne máresi Medeýde ornalasqan kezeńniń kimge saı keletinin aıtyp berdi.


– Aleksandr, bıyl «Almaty týry» alǵash ret eki kún boıy ótedi, bul jaıly talaı aıtyldy. Qos kezeńniń marshrýtyna berer baǵańyz qandaı? Ekinshi kezeńniń máresi Medeýde ornalasýyn esepke alsaq, bul jarysta taýlyqtar ǵana emes, ózge joldarda jarysýǵa mashyqtanǵan veloshabandozdardyń ózin kórsetýine múmkindik bola ma? 

– Jarys osymen besinshi ret ótedi. Alǵash ret eki kún boıy ótetini qýantady. Burynnan osylaı bolsa dep edik. Endi «Almaty týry» kópkúndik jarystardyń qataryna qosyldy. Eki kúnniń de marshrýty túrli joldarda jarysýǵa mamandanǵan sportshylardyń barlyǵyna da múmkindik beredi dep esepteımin. Birinshi kezeńde jazyq jerde jarysatyn sprınterlerge alǵa shyǵýǵa múmkindigi bar, al ekinshi kezeńniń Medeýge baratyn joly birinshi kezekte kórikti jerlerimizdi kórsetedi. Taýlyqtar sýyrylyp alǵa shyǵa alady. Negizinde ótken jylǵy marshrýt ta ońaı boldy dep aıta almaımyn.

 – «Almaty týrynda» «Astana» komandasynyń atynan eki birdeı myqty taýlyq shyǵady. Bolashaǵynan úmit kúttiretin Alekseı Lýsenko men Rıo Olımpıadasynyń kúmis júldegeri Iаkob Fýlsang elordalyq komandanyń namysyn qorǵaıdy. Kapıtan qalaı tańdalady? Lýsenko jarystyń tórt dúrkin chempıony bolýy múmkin, sondyqtan dál osy sportshyǵa erekshe kóńil aýdaryla ma?

– Alekseı qazirgi ýaqytta jaqsy kúıde. Menińshe, Iаkobqa oǵan jetý qıynǵa soǵady. Qandaı jaǵdaı bolsa da, olar eki kapıtan retinde qatysady. О́z basym Alekseı jeńedi dep oılaımyn. Ol Medeýdi biledi, árbir burylysyn jattap alǵan. Jeńiske jetý ońaıyraq bolady. О́zge komandadan sportshylar da birinshi kelip, jeńisti julyp áketýi múmkin. Boljaý qıyn. Alekseıdiń basymdyǵy – taýǵa shyǵý jolyn bilýi, qaıda demalyp, qaı tusta alǵa umtylýdy biledi.

– Lýsenkonyń álem chempıonatyndaǵy nátıjesin qalaı baǵalaısyz? «Almaty týry» qarsańynda ol óz deńgeıinde dep oılaısyz ba?

– Alekseıdiń daıyndyq kúıi jaqsy. Bul onyń osy maýsymdaǵy sońǵy starty. Jeńiske jetýge bekinip otyr dep oılaımyn. Álem chempıonatynda Alekseı ózine berilgen tapsyrmany 100 paıyzǵa oryndap shyqty, komandasy oǵan kómektesti. Ol shabýyldap, jeńis úshin sońyna deıin kúresti. Jarys kezinde aldaǵy pozısııalarǵa talasýmen boldy. «Výelta» kezeńindegi jeńisi oǵan motıvasııa berdi. Osyndaı sportshynyń kún sanap damyp jatqany qýantady. Kelesi jyly Alekseı kóktemgi klassıkalarda sol Peter Saganmen (álem chempıonatynyń jeńimpazy) jarysa alady. Álem birinshiligindegi jarysyna joǵary baǵa beremin. Odan ataqty shabandozdar ǵana ozdy. Toǵyzynshy oryn – abyroıly nátıje.

– Al Fýlsangtyń qazirgi daıyndyq kúıi qandaı, tamyzda qulaǵannan keıin qalpyna qalaı keldi?

– Menińshe, Fýlsang áli óz formasynda emes, ony Kanadadaǵy jarysta kórdik. Júldeli oryndarǵa talaspaıdy dep aıta almaımyn. Iаkob maýsymnyń sońyna daıyndalyp otyr. Sosyn ol «Lombardııa týryna» qatysady. Alekseı ekeýi minberge shyǵýǵa talasady degen oıdamyn. Al Iаkobtyń qolynan kelmese, ol Alekseıge kómektesedi.

– «Almaty týrynyń» kezeńderi bolashaqta kóbeıe túsýi múmkin be?

– Nege kóbeımeske? Iri jarys uıymdastyrýǵa talpyný qajet, eki kún emes, tórt-bes, «Dýbaı týry» jarysyndaǵydaı. Menińshe, UCI kestesine kirse, múmkindik bar, biraq bul ońaı sharýa emes. Dese de bul – bizdiń armanymyz, oǵan jetý jolynda eńbek etý kerek. Buǵan qosa týr aıasynda birkúndik eki jarys uıymdastyrý da oıda bar. Osy ýaqytqa UCI kestesine kirse, álem chempıonaty men «Lombardııa týry» qarsańyndaǵy kezeń, álem velosportynyń barlyq juldyzyn kórer edik. Álem chempıonatynyń ótetin kúnderi ózgeredi, máselen, veloshabandozdar qazaqstandyq jarystarǵa álem birinshiligine daıyndyq retinde qatysa alady. Tipti «Djıro d'Italııa» da Astanada nemese Almatyda bastalýy múmkin. Kelesi jyly bul jarys Ierýsalımde ótedi. Álem chempıonatynda «Djıro» uıymastyrýshylarymen kezdeskenim bar. «Bul Qazaqstanda da ótkizýge bolady degen sóz» dedim. Olar buǵan eshqandaı da kedergi kórip turmaǵanyn aıtty. Kúldik. Bul talqylanyp jatqan másele. «Djıro d'Italııa» mamyrda Amatyda bastalsa, jaman emes.

Aıta keteıik, bıyl «Almaty týry – 2017» tuńǵysh ret eki kún, ıaǵnı 30 qyrkúıek pen 1 qazanda ótedi.

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar