Úrjar aýdanynyń balalarǵa arnalǵan arnaıy áleýmettik qyzmet kórsetý ortalyǵyna balalardy damytýǵa arnalǵan zamanýı ınteraktıvtik jabdyǵy syıǵa tartyldy.
«Jastardy Tuńǵysh Prezıdent Qorynyń jobalarymen jáne granttarymen tanystyrý úshin óńirlerge barý jaqsy dástúrge aınaldy. 2017 jyldan bastap biz Qaraǵandy, Shymkent, Kókshetaý jáne Taldyqorǵan qalalarynda boldyq», - dep atap ótti QR Tuńǵysh Prezıdenti – Elbasy Qorynyń (budan ári - Qor) Atqarýshy dırektory Qanat Jumabaev, «Shyǵys Qazaqstan oblysynan 24 adam Qordyń grant ıegeri atandy. Olar jas ǵalymdar men stýdentter. Biz jastardyń jas daryndarǵa kómek kórsetýge baǵyttalǵan otandyq qorlardyń jáne qoǵamdyq uıymdardyń qyzmetimen tanysýǵa belsenidilik tanytqanyn qalaımyz».
«Tuńǵysh Prezıdent Qorynyń О́skemen qalasyndaǵy kúni» oblys ákimi Danıal Ahmetovpen kezdesýmen bastaldy, onda oblys jastaryn qoldaýǵa baǵyttalǵan bolashaq jobalardy iske asyrý máselesi talqylandy.
Ákimdikte Qordyń basshylyǵy Úrjar aýdanynyń balalarǵa arnalǵan arnaıy áleýmettik qyzmet kórsetý ortalyǵynyń ókiline ınteraktıvtik jabdyq satyp alý úshin 3,5 mıllıon teńge somasyna sertıfıkat tabys etti.
Budan keıin Qordyń ujymy jáne onyń laýreattary D. Serikbaev atyndaǵy Shyǵys Qazaqstan memlekettik tehnıkalyq ýnıversıtetinde (ShQMTÝ) ǵylymı jáne stýdenttik aktıvpen kezdesti, onda Qordyń jobalary, granttary jáne ataýly stıpendııalary jáne olardy qalaı jeńip alý týraly áńgime boldy.
«Method» baǵdarlama jasaý mektebiniń basshysy, Qordyń IT-keńesiniń tóraǵasy Dagar Davletovtyń ShQMTÝ ýnıversıtetiniń stýdentteri - bolashaq IT- mamandary úshin ótkizgen sheberlik sabaǵy qyzyqty ári paıdaly boldy.
Dagar Davletovtyń sózinen: «2017 jyly Qor IT salasynda 2 iri jobany iske asyrdy, ol - «Smart Zholy» ı «Method PRO» jobalary, olardyń arqasynda jas qazaqstandyq baǵdarlamashylar jáne startaperler oqý oqyp, óz baǵdarlamalaryn Qazaqstannyń jáne sheteldiń iri ulttyq kompanııalaryna usyndy. Onyń nátıjesinde bizdiń jas mamandarymyz jumysqa ornalasty, al olardyń baǵdarlamalary ulttyq kompanııalarda utymdy paıdalanylýda».
Sonymen birge, Qordyń Syılyǵynyń laýreaty, Jambyl atyndaǵy Qazaq memlekettik fılarmonııasynyń solısi, «Qazaqstannyń altyn vıoloncheli» Ermek Qurmanaevtyń Halyq ártisteri aǵaıyndy Abdýllınder atyndaǵy Shyǵys Qazaqstan óner ýchılıshesiniń ishekti aspaptar bólimshesiniń stýdentteri úshin bergen sheberlik sabaǵy jınalǵan jas mýzykanttardyń kóńilinen shyqty.
Ermek Qurmanaev aıtqandaı: «Biz - mýzykanttar jastarmen óz tájirıbemizdi bólisýge árdaıym daıynbyz. Tuńǵysh Prezıdent Qory kóptegen jyldar boıy elimizdiń túkpir-túkpirinen kelgen daryndy jastarǵa ózderi tańdaǵan kásibı mamandyqtarynda tabysqa jetýge kómektesip keledi».
Qordyń is-sharalary Metallýrgterdiń mádenıet saraıynda ótetin opera juldyzdarynyń – Qordyń Syılyǵynyń Laýreattarynyń konsertimen aıaqtalady. Kórermender aldynda QR eńbek sińirgen qaıratkerleri – belgili ártis-barıtondar Súndet Baıǵojın jáne Azamat Jeltyrgózov, halyqaralyq jáne respýblıkalyq konkýrstardyń laýreattary - konsertmeıster - Gaýhar Tasbergenova, messo – soprano - Tatıana Vısınskaıa, bas - Bolat Esimhan jáne Jambyl atyndaǵy Qazaq memlekettik fılarmonııasynyń solısi, «Qazaqstannyń altyn vıoloncheli» Ermek Qurmanaev óz ónerlerin kórsetedi.
