Semınarǵa Qazaqstan Respýblıkasy Ulttyq qaýipsizdik komıteti lańkestikke qarsy ortalyq shtabynyń sarapshylary, Din isteri jáne azamattyq qoǵam mınıstrliginiń, Qazaqstan musylmandary dinı basqarmasynyń, Orys pravoslav shirkeýiniń ókili qatysty.
Dinı ekstrmızmniń paıda bolýy ár qoǵamda ár túrli bolǵanymen, onyń taralýyna baılanysty bazıstik jaǵdaı ortaq. Ári ol kez kelgen qoǵam men memleketke tán.
Memleket basshysynyń tapsyrmasyna sáıkes úkimettiń baqylaýymen jumys isteıtin dinı saladaǵy memleket saıasatyn úılestirý jónindegi vedomstvoaralyq komıssııa qurylǵany belgili.
Din isteri jáne azamattyq qoǵam mınıstrligi mádenıet jáne din halyqaralyq ortalyǵynyń basshysy Aıdar Ábýovtyń aıtýynsha, búgingi tańda osy atalǵan komıssııaǵa memlekettik, atqarýshy jáne basqa da organdar men mekemelerdiń biryńǵaı aqparattyq túsindirý jumystaryn júrgizýdi uıymdastyryp, úılestirý mindetteri júktelgen.
«Vedomstvoaralyq komıssııa aıasyndaǵy barlyq organdar men qoǵamdyq birlestikterdiń negizgi mindetteri –aldyn alý jumystaryn júrgize otyryp, jat dinı aǵymdarǵa eretinderdiń sanyn azaıtý. Búgingi tańda dinge senýshilermen júrgizilip otyrǵan jumys tásilderin túbegeıli ózgertýge negiz joq. О́ıtkeni eldegi dinı jaǵdaı turaqty», — dedi ol.
Qazirgi ýaqytta Qazaqstanda on segiz dinı konfessııa men 3693 dinı birlestik resmı túrde tirkelip, zań aıasynda jumys júrgizýde. Astana qalasy álemge dinaralyq forýmdardy ótkizý ortalyǵy retinde tanyldy. Ashyq pikirlesý alańynda álemdik jáne dástúrli dinder basshylarynyń bes sezi ótti. Altynshy sezdi kelesi jyly uıymdastyrý josparlanýda.
Sondaı-aq, semınar-keńeste QR UQK lańkestikke qarsy ortalyqtyń basqarma basshysy Murat Qonaqbaev, L.N.Gýmılev atyndaǵy Eýrazııa ulttyq ýnıversıtetiniń professory, teolog Asylbek Izbasarov, Qazaqstan musylmandary dinı basqarmasynyń naıb-múftıi, Astana qalasynyń bas ımamy Naýryzbaı qajy О́tpenov, taǵy basqalar pikir bildirip, qoıylǵan suraqtarǵa jaýap berdi.
Semınar-keńes sońynda terrorızmge qarsy komıssııanyń jumys toby músheleri terrorızmge qarsy turý salasyndaǵy normatıvti-quqyqtyq aktilerdi bilý deńgeıin tekserýden test tapsyrdy.
