– Erteń Rýmynııa bapkeri retinde tuńǵysh matchymdy Qazaqstan quramasyna qarsy ótkizemin. Bul men úshin mańyzdy oıyn bolmaq. Sondaı-aq match Ploeshtı qalasynda ótetini jaqsy boldy. О́ıtkeni, jergilikti komandamen Rýmynııa kýbogyn jeńip alǵanmyn. Erteń de atalǵan qaladaǵy jeńisimdi jalǵastyrǵym keledi.
– Qazaqstan quramasynyń fýtbolshylary týraly ne aıta alasyz?
Qazaqstan óte jaqsy qurama. Fızıkalyq turǵyda birneshe myqty fýtbolshylaryńyz bar. Erteńgi oıynda fýtbolshylaryńyz bizge biraz qıyndyq týdyratyny anyq. Biz barynsha joǵary dárejede oınap, oıyndy óz baqylaýymyzǵa alýǵa tyrysamyz. Eger, erteńgi matchta josparmyzdy júzege asyra almasaq, onda biz úshin tosyn syı bolmaq.
– Astanada Rýmynııa quramasy Qazaqstanmen teń oınaǵan bolatyn. Quramalaryńyzdyń jeńiske jetýine ne kedergi boldy?
– Byltyrǵy oıyn biz úshin óte qıyn boldy. Qurama ol oıynǵa tolyq daıyn bolǵan joq edi. Taǵy bir aıta keterligi, Astanadaǵy oıynǵa jasandy stadıonnyń da keri áseri boldy. Sondaı-aq Qazaqstan quramasy óte jaqsy oınaǵanyn aıta ketken jón. Búgin oıynda bizdiń qurama jeńiske jetedi dep oılaımyn.
– Aldaǵy oıynǵa Qazaqstan quramasy sapynda birneshe úzdik fýtbolshylary qatysa almaıdy. Bul týraly ne aıtasyz?
– Ulttyq quramadaǵy árbir oıynshy mańyzdy. Degenmende, sizderde ol fýtbolshylardyń ornyn aýystyra alatyn tájirıbeli oıynshylaryńyz bar.
Eske sala keteıik, ulttyq qurama fýtbolshylary 5 qazanda fýtboldan 2018 jylǵy álem chempıonaty asynda syrt alańda Rýmynııa quramasyna qarsy oıyn ótkizedi.
Álı BITО́RE,
«Egemen Qazaqstan» –
Býharestten
Sýret avtory - Ilııas Omarov
