Bul kórmege jyl saıynǵy ádetimen Reseı, Qyrǵyzstan, Tájikstan, Túrikmenstan jáne elimizdiń 150-den astam qolóner sheberleri qatysty. Almaty – alma jármeńkesine aınalyp júre bergen-di. Aporttyń ádemi ıisi aınalasyna burqyrap, tábet shaqyra túskendeı boldy. Jeńsik jemistiń sándik qoldanbaly óner sheberleriniń tól týyndylarynda, zergerlik zattarynda, shaǵyn gobelenderinde, kıiz ben teri buıymdarynda ózgeshe órnegin taýyp júre bergeni kózińizge qýanysh uıalatady. Bul jármeńkede bereke men sáttilikti ákeletindeı elesteıdi eken. Aıshyqty qoltańbalarmen usynylatyn kádesyılar tartymdylyǵymen ózine yntyqtyra túsetinin qaıtersiz. Dástúrge aınalǵan jármeńke saltanaty sándik sómkeler, ulttyq naqyshtaǵy zergerlik buıymdar, túrli oıynshyqtar, tekemetter, qyzyldy-jasyldy kórpeler, qoldan jasalǵan oıý-órnekke toly áspetti shyǵarylymdar tartymdylyǵymen kóz arbaıdy. Jármeńkeni uıymdastyrýshylar osy arqyly el yqylasyn ózine aýdaryp alǵandaı kórindi.
Saparbaı PARMANQUL,
«Egemen Qazaqstan»
ALMATY
