Hokkeı • 04 Qazan, 2017

Burynǵy bapkeriniń komandasynan basym tústi

291 ret

kórsetildi

1 mın

oqý úshin

«Barys» hokkeı klýby Qurlyqtyq hokkeı lıgasynyń kezekti týrynda Nıjnekamsk qalasyna baryp, jergilikti «Neftehımık» komandasymen ımek taıaq túıistirdi. Bul oıynnyń elordalyq hokkeıshiler úshin belgili bir deńgeıde mańyzdy bolǵany ras edi. Nege deseńiz, qazirgi ýaqytta reseılik klýbty «Barystyń» burynǵy bas bapkeri Andreı Nazarov jattyqtyryp júr.

Egemen Qazaqstan

Burynǵy bapkeriniń komandasynan basym tústi

Eki komanda arasyndaǵy teketirestiń taǵdyryn «Barystyń» kapıtany Naıdjel Doýstyń mergendigi sheshti. Ol áýeli matchtyń 9-mınýtynda, odan keıin úshinshi kezeńniń sońyna taman (58-mınýt) qatarynan eki gol soǵyp, elorda klýbynyń jeńisin qamtamasyz etti. Al oıynnyń bitýine sanaýly sekýndtar qalǵanda astanalyq taǵy bir legıoner Lınden Veı úshinshi jáne sońǵy shaıbany soqty.

Bul kezdesýdegi este qalǵan bir oqıǵa – «Barys» qaqpashysy Henrık Karlssonnyń aıdynnan alastatylýy boldy. Ekinshi kezeńniń basynda ol ózin ereje buzǵandyǵy úshin jazalaǵan tóreshilermen daýlasamyn dep oıynnan múlde qýyldy. Karlssondy almastyrǵan jas qaqpashy Sergeı Kýdrıavsev senimdi oıynymen kózge túsip, komandanyń jeńisine óz úlesin qosa bildi.

Osy jeńisten keıin «Barys» upaı sanyn 28-ge jetkizip, Shyǵys konferensııasy boıynsha besinshi orynǵa kóterildi. Elorda klýby QHL-daǵy kezekti oıynyn búgin Mınskide jergilikti «Dınamo» komandasymen ótkizedi.

Qaırat ÁBILDA,
«Egemen Qazaqstan»