Qazaqstan Respýblıkasy men amerıkalyq AES Corparation kompanııasy arasyndaǵy 1997 jylǵy 23 shildedegi konsessııalyq kelisiminiń áreketi 2017 jyldyń 1 qazanynda aıaqtaldy.
Osyǵan baılanysty, 2017 jyldyń 2 qazanynda jáne 2017 jyldyń 3 qazanynda «AES О́skemen TES» JShS jáne «AES Shúlbi TES» JShS – eki konsessııa obektisiniń 100% qatysý úlesteri respýblıkalyq menshikke alyndy.
О́skemen sý elektr stansasy jáne Shúlbi sý elektr stansasy atalǵan kompanııalardyń aktıvi bolyp tabylady.
Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıteti «AES О́skemen GES» JShS-niń jáne «AES Shúlbi GES» JShS-niń memlekettik qatysý úlesterin paıdalaný jáne ıelený quqyǵyn Qazaqstan Respýblıkasynyń Energetıka mınıstrligine berdi.
Qazaqstan Respýblıkasynyń Energetıka mınıstri osy kompanııalardyń bas dırektory etip Asqar Balabatyrovty taǵaıyndady. Asqar Balabatyrov 1992 jyly Almaty energetıka ınstıtýtyn bitirgen, «KEGOC» AQ-ta, «Almaty PaýerKonsolıdeıted» AQ-ta, «Alataý Jaryk Kompanııasy» AQ-ta jáne «Shyǵys Qazaqstan aýdanaralyq elektr jelilik kompanııasy» AQ-ta jumys istegen, elektr energetıkasy nysandaryn basqarý jumysynda aıtarlyqtaı tájirıbe men bilimge ıe, dep habarlady Energetıka mınıstrliginiń baspasóz qyzmeti.
