Onyń kele jatqanyn kórip alma aǵashynyń kóleńkesinde sál aıaldadym. Múmkindik bolmaı birneshe jyl qatarynan baý-baqsha egilmeı qalyp edi. Sodan bıylǵy kóktemnen bastap egin salýdy bastaǵanbyz. Aqsaqaldar jaǵy qımylymyzdy kórip, eńbekterińniń «rahatyn kórińder» degen. Úlkenderdiń aıtqany dóp keldi. Endi az ǵana alańqaıdan shelek-shelek qyzanaq alyp jatyr. Qaryndasymnyń daýysy da bul joly jarqyn estiledi». «Úshem qyzanaq». Qarasam, qyzyq, úlken qaýynnyń kólemindeı qyzanaqty kóterip kele jatyr eken. «Táýbe!» – dedim ishimnen. Bıylǵy berekeniń basy bolsyn dep kúbirledim. Jaz boıǵy eńbektiń qaıtarymy shyǵar. «Úshqońyr» aýylynyń qunarly topyraǵynyń áseri me eken. Mol sýly Qaskeleńniń momyn ıirimderiniń yqpaly ma dep bir qoıamyn. Áıteýir tabıǵattyń ǵajaptyǵyna tań qalasyń. Úshem qyzanaq...Tańǵalǵan kúıi tańdana qaraımyz.
Jaryqtyq, tabıǵatta nebir ǵajap nárselerdiń kóptigine tańyrqaı qaraımyz da qoıamyz.
Saparbaı PARMANQUL,
«Egemen Qazaqstan»
ALMATY
Sýretti túsirgen avtor
