Jıynǵa qatysqan Energetıka mınıstrligi Atomdyq jáne energetıkalyq qadaǵalaý men baqylaý komıtetiniń tóraǵasy Suńǵat Esimhanov Qazaqstannyń birtutas elektr energetıkalyq júıesi Reseı Federasııasynyń jáne Ortalyq Azııa elderiniń energetıkalyq júıelerimen qatar shtattyq rejimde jumys istep jatqanyn jetkizdi.
«Aǵymdaǵy jyldyń basynan beri respýblıkada 75 mlrd kVt saǵat nemese ótken jylǵy deńgeıden 9,5 paıyzǵa kóp elektr energııasy óndirildi jáne 71,7 mlrd kVt saǵat nemese ótken jylǵy deńgeıden 6,7% paıyzǵa artyq elektr energııasy tutynyldy», dedi spıker.
Sonymen qatar Suńǵat Esimhanov búgingi tańda soltústik óńirlerdiń barlyǵynda jylý berý maýsymy bastalǵanyn, barlyq áleýmettik nysandarda jylý berilip jatqanyn, turǵyn úılerge 80 pa-ıyz jylý berilgenin málimdedi.
«Aqmola, Shyǵys Qazaqstan, Qostanaı oblystarynda jáne Astana qalasynda áleýmettik nysandar tolyǵymen qosylǵan, Qaraǵandy, Soltústik Qazaqstan, Batys Qazaqstan oblystarynda bul nysandar 80 % deńgeıinde qosylǵan. Jylytý júıesine eń kóp qosylǵan turǵyn úıler Aqmola, Shyǵys Qazaqstan, Qostanaı, Pavlodar oblystarynda», dedi ol.
Raýan QAIDAR,
«Egemen Qazaqstan»
