Kúres • 05 Qazan, 2017

Astanada qazaq kúresinen álem chempıonaty ótedi

187 retkórsetildi

Astanada 27-29 qazan aralyǵynda qazaq kúresinen 40 memlekettiń qatysýymen álem chempıonaty ótedi, dep habarlaıdy «Qazaq kúresi halyqaralyq federasııasy».

Elimizdiń ulttyq oıynyna álemniń túkpir-túkpirinen 40 memlekettiń sportshylary qatysady. Olardyń qatarynda AQSh, Qytaı, Avstralııa, Úndistan, Lıtva, Reseı, Belgııa, Kamerýn bastaǵan elderdiń eń tańdaýly balýandary bar. Qazaq kúresi ejelgi sport túrlerine jatady. Búgingi tańda onyń kún ótken saıyn tanymaldyǵy artyp keledi. Tipti, qazaq kúresi túrli toı men saltanatty is-sharalarda ótkizilip júr. 2016 jyldan bastap IýNESKO ony materıaldyq emes mádenı mura tizimine engizgen. Chempıonat 8 salmaq dárejesi jáne absolıýttik dáreje boıynsha ótedi.  

27 qazanda «Han shatyr» oıyn-saýyq ortalyǵynda sportshylardyń salmaq ólsheý jáne jerebe tastaý rásimi ótse, 28-29 qazan kúnderi «Barys-Arena» muzaıdyny saraıynda jarys ótedi. Birinshiliktiń alǵashqy kúni sportshylar 55, 90, 100 jáne +100 kelide beldesse, ekinshi kúni 60, 66, 74, 82 jáne absolıýttik salmaq dárejesi boıynsha myqtylar anyqtalmaq.

Aıta keteıik, «Qazaq kúresi halyqaralyq federasııasy» ZTB 2017 jyldyń 24 naýryzynda Astana qalasynyń Ádilet departamentinde tirkelgen. 2017 jylǵy aqpanda 35 memleket ókilderiniń qatysýymen Astana qalasynda ótken Qazaq kúresi halyqaralyq federasııasynyń Kongresinde federasııa jumysy nyqtalyp, prezıdenti retinde Qanat Bozymbaev taǵaıyndalǵan bolatyn.

 

Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar