4-7 qazan aralyǵynda ótetin týrnırge Qazaqstan, Reseı, О́zbekstan, Qyrǵyzstan, Tájikstan, Polsha, Ázerbaıjan, Fınlıandııa, Mońǵolııa, Túrikmenstan, Belorýsııa, Armenııa men Grýzııadan 200-ge jýyq sportshy qatysady. Bul sport saıysyna Qazaqstannyń barlyq óńirlerinen komandalardyń jáne shetel ókilderiniń qatysýy – atalǵan týrnır bedeliniń artyp kele jatqanynyń aıqyn dáleli.
- Bizdiń qyzmetimizdiń basym baǵyttarynyń biri – jastarǵa degen qamqorlyq. Ol úshin Mańǵystaý oblysynda barlyq jaǵdaı jasalǵan. Sonyń ishinde jastar arasynda boks tanymaldyqqa ıe. Sportshylar árbir sport saıysyna úmitpen keledi. Búgin sizder erjúrektik tanytyp, kórermenderińizge qyzyqty ári tartysty jekpe-jek syılaıdy dep senemin. Sh.Bóltekulyn eske alýǵa arnalǵan týrnır, barlyq qatysýshylar úshin jańa jeńister men jetistikterge jol ashatynyna senimim mol. Týrnırdiń barlyq qatysýshylary men uıymdastyrýshylaryna sáttilik pen jeńis tileımin, dedi týrnırdiń ashylý saltanatynda Mańǵystaý oblysynyń ákimi E. Toǵjanov.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
