Is-shara, elordalyq etnomádenı ortalyqtardyń qyzmetine qoǵam nazaryn aýdartý men etnosaralyq qarym-qatynastardy nyǵaıtýǵa baǵyttalǵan.
«Koreı ortalyǵynyń belsendi ujym barlyq is-sharalarǵa únemi qatysady, Qazaqstan halqy Assambleıasyna úlken úles qosyp keledi», dep atap ótti óz sózinde Astana qalasynyń Qazaqstan halqy Assambleıasy hatshylyǵynyń meńgerýshisi Kýsaınova L. S. Sondaı-aq , - bul jumystyń basty baǵyttarynyń biri Qazaqstan halqy Assambleıasy ǵana emes, qoǵamdyq kelisimdi saqtaý jáne ulttyq mádenıetti, dástúr men tildi nyǵaıtý jáne damytý.
Merekelik is-sharaǵa Qazaqstan Respýblıkasyndaǵy Koreıa Respýblıkasynyń tótenshe jáne ókiletti elshisi Kım De Sık, elshiliginiń ókilderi jáne koreı mádenı ortalyǵynyń, Qazaqstan halqy Assambleıasynyń músheleri, belgili qoǵam qaıratkerleri, etnomádenı uıymdar men qala turǵyndary qatysty.
«Chýsok» rızashylyq kúni – kúzgi astyq ónimin jınaý - bereke men molshylyq kezeńimen tuspa-tus keletin, negizgi káris meıramdarynyń biri. Atalmysh mereke koreı mádenıetiniń kóp qyrly shyǵarmashylyǵyn tanýǵa múmkindik beredi. Is-shara barysynda qonaqtarǵa jarqyn jáne mazmundy konserttik-oıyn-saýyq baǵdarlamasyn kórýge múmkindik týdy. Vokaldyq jáne horeografııalyq baıandamalar jasalyndy. Koreı kórmesi jáne ulttyq taǵamdary beı-jaı qaldyrǵan emes.
Qazaqstan Respýblıkasy Jýrnalıster Odaǵy men kezindegi KSRO Jýrnalıster Odaǵynyń múshesi, qazaqstandyq jəne koreı halqy baspasóziniń belgili jýrnalısi V.E.Son óz sózinde bylaı dedi: «Jalpy Qazaqstan aýmaǵy jaǵynan úlken el bolyp sanalady. Əri bul Otan birneshe koreıler urpaǵynyń qutty mekeni. Bul qasıetti jerdi úlken bolǵandyqtan emes, bizge aıryqsha qamqorlyq jasaǵandyqtan qurmet tutamyz. Bul Otan bizdiń osydan seksen jyl buryn adal dosymyzǵa aınalǵan».
Bıyl qazaqstandyq koreıler ózderiniń qonys aýdarǵandarynyń 80 jyldyq kúnin atap ótedi. Olar qıyn jyldar kezeńinde qazaq jeriniń ózderin ystyq yqylaspen qarsy alǵanyn alǵys sezimmen eske alady. 30-shy jyldar kezeńinde Qıyr Shyǵystan Qazaqstanǵa 200 000 asa koreıler jer aýdarylǵan.
