Kúres • 06 Qazan, 2017

Turlyhanov týrnırindeQalenov qarsylas shaq keltirmedi

43 ret
kórsetildi
3 mın
oqý úshin

Almatyda grek-rım kúresinen «Bolat Turlyhanov Kýbogy» atty halyqaralyq týrnır aıaqtaldy. Eki kúnge sozylǵan dástúrli jarysta 17 eldiń balýandary baq synap, Olımpıada baǵdarlamasyna engen alty salmaq dárejesi boıynsha jeńimpazdar men júldegerlerdi anyqtady. Týrnır qorytyndysy boıynsha Qazaqstan balýandary 1 altyn, 2 kúmis, 3 qola medal jeńip aldy.  

Týrnırde 66 kılo salmaqta kil myqtylar beldesti. Almat Kebis­baev, Danııar Kalenov sııaq­ty kóptegen halyq­a­ra­lyq týr­nır­lerde olja salǵan elimizdiń balýan­­­daryn aıtpaǵanda, jaqyn­da ǵana Parıjde ótken álem chem­pıo­natynda jeńimpaz atanǵan ońtús­tikkoreıalyq Rıý Han Sý da Bolat Turlyhanov atyndaǵy týr­nırge arnaıy kelgen eken. 

Atalǵan salmaqta bas júldeden birden-bir úmitker de koreı eliniń osy balýany bolatyn. Biraq týrnır deńgeıiniń joǵary bolǵandyǵy sonshalyqty, álem chempıony degen ataǵy bar Rıý Han Sýdyń ózi eline júldesiz qaıtty. Álem chempıonyn jartylaı fınalda Danııar Qalenov 1:0 esebimen jeńdi.

Danııar ótken aptada ǵana Ashhabadta aıaqtalǵan jabyq keshendegi Azııa oıyndarynda jeńimpaz atanyp qaıtqan bolatyn. Bolashaǵynan zor úmit kúttiretin balýan osy týrnırde aldyna jan salǵan joq. Fınalda ol elimizdegi tájirıbeli balýandardyń biri Almat Kebisbaevty jeńdi. Esep – 5:3. Almat ta osy týrnırde jaman kúrespedi. Kóp kúsh jumsady. Tipti 1/8 fınalda Polshadan kelgen Roman Posrkovskıden 1:7 esebimen ese jiberip jatyp, sońǵy bir mınýt qalǵanda polıak balýanyn taza jeńip ketti. Bul salmaqta qola júldeni reseılik balýandar Pavel Saleev pen Arsen Mırzoıan jeńip aldy. Sońǵysy álem chempıony Rıý Han Sýdy qola júldesiz qaldyrdy.

О́kinishke qaraı, 85 kılo sal­maqta qazaqstandyq balýan­dar júldesiz qaldy. Ýkraınalyq Jan Belenıýk sheshý­shi synda grýzın balýany Robertı Kob­lıash­vılıden 5:1 esebimen aıla­syn asyryp, týrnır jeńim­pazy atandy. Qola júlde Nıko­laı Stadýb (Belarýs) pen Lasha Gobad­­zeniń (Grýzııa) qanjy­ǵasynda ketti. 

Asa aýyr salmaqtaǵy alyptar arasyndaǵy básekede Grýzııa balýandary des bermedi. Fınalda Levan Arabýlı men Zvıadı Pata­rıd­zeniń arasyndaǵy beldesý 3:1 esebimen alǵashqysynyń paıda­syna sheshildi. Grýzııa quramasy bul týrnırge birinshi jáne ekinshi nó­mirli balýandaryn alyp kel­ge­nin aıta keteıik. 130 kıloda úmit artqan balýanymyzdyń biri Nur­­ma­han Tinálıev bolatyn. О́k­inish­­ke qaraı, Nurmahan jarty­laı fı­nal­da Zvıadı Patarıdzeden je­ńilip qaldy. Biraq qola medal úshin bolǵan beldesýde ońtústik­ko­reıa­lyq balýannan aılasyn asyrdy.

Sonymen eki kúnge sozylǵan j­a­rys máresine jetti. Alty salmaq dá­­re­jesinde ótken halyqaralyq týr­­­nırdiń bas júldesi alty el­diń en­shi­sine buıyrdy. 59 kılo sal­maq­ta Ońtústik Koreıa, 66 kılo­da Qa­zaq­­­stan, 75 kıloda Túrkııa, 85 kı­l­­o­da Ýkraına, 98 kıloda Re­seı bal­ýa­ny top jarsa, asa aýyr sal­maq­­t­yń altyn medali Grýzııaǵa jol tartty. 

 

 

«Egemen-aqparat»
 

Sońǵy jańalyqtar

Tarazda bir ana eki balasyn terezeden laqtyryp jiberdi

Tótenshe jaǵdaı • Búgin, 12:50

Astana qalasynyń prokýrory aýysty

Taǵaıyndaý • Búgin, 11:35