Oblystyq qarjy basqarmasy bıýdjettiń shyǵys bóliginen 81,5 mıllıon teńge ıgerilmegen, bul jaǵdaı oblys ortalyǵy, Jelezın, Baıanaýyl aýdandaryna tıesili dep otyr.
Biraq, Baıanaýyl aýdany ákiminiń orynbasary Baqyt Toqjigitovanyń aıtýynsha, bıyl aýdanǵa bólingen 10 mlrd-qa jýyq qarajattyń qarajattyń 97,9 paıyzy tıisti jerine jetken deıdi. Onyń 4 mlrdtan astamy aýdan ortalyǵyndaǵy áleýmettik nysandardy jóndeý, jol qurylysyn júrgizý, sý qubyrlaryn tartý, kósheni jaryqtandyrý sekildi jumystarǵa jumsalypty.
Áıtse de, Baıanaýylǵa jol saparǵa barǵan kezimizde aýdan ákiminiń orynbasary Ázilhan Ábýov ortalyqtandarylyǵan sý qubyryna bólingen 5 mlrd teńge 3 jylǵa berilgen degen edi. Eki orynbasar eki túrli málimet beredi.
Baqyt Toqjigitova Toraıǵyrov aýylyna bólingen qarajattan 4 mıllıon 509 myń teńge qalyp otyr. Bul qarajattyń barlyǵy óz ýaqytynda bıýdjetke qaıtarylady. Al, qalǵan qarjyny jyldyń sońyna deıin tolyq ıgeretin bolamyz, - deıdi.
Ákim orynbasarlarynyń esebin tyńdaǵan depýtattar men partııa fraksııasynyń músheleri qarajatty tıimsiz paıdalaný jaǵdaıyn boldyrmaýdy qatań tapsyrdy. Depýtattyq fraksııa jańa format boıynsha jumys isteýde. Maqsat - bıýdjet qarjysynyń ıgerilýin baqylaý.
Farıda Byqaı,
«Egemen Qazaqstan»
Pavlodar
