Halyqaralyq forýmǵa Mańǵystaý oblysynyń ákimi Eraly Toǵjanov, «Kazakh Invest» AQ Basqarma tóraǵasynyń orynbasary Birjan Kaneshev, 10-nan astam elden kelgen ınvestorlar, sondaı-aq Ázirbaıjan, Túrkııa, Iran, Lıtva elderiniń konsýldary qatysty.
Memleket basshysynyń Jarlyǵymen elimizde ártúrli salalyq baǵyttaǵy 10 arnaıy ekonomıkalyq aımaqtar quyrlǵan edi. Sonyń biri -
«Aqtaý teńiz porty» arnaıy ekonomıkalyq aımaǵy. AEA iske qosylǵannan beri 88 mlrd.teńge ınvestısııa tartylyp, 241 mlrd.teńgeniń ónimi óndirildi. Aımaqta 15 mekeme qarqyndy jumys júrgizip jatsa, 1 144 jańa jumys orny quryldy jáne bıýdjetke 21 mlrd.teńge kóleminde salyqtar tólendi.
Forýmda Aqtaý, Atyraý, Shymkent, Almaty, Taraz, Pavlodar qalalarynyń arnaıy ekonomıkalyq aımaqtary (AEA) tanystyryldy.
Baıandamashylar arnaıy ekonomıkalyq aımaqtardyń erekshe jaǵdaıymen tanystyryp, júzege asqan jobalaryn ortaǵa saldy. Jobalardyń damý tájirıbesi men bolashaq josparlary týraly aıtyp berdi.
- Mańǵystaý oblysy - óndirisimen qatar, san salasy jedel damý ústindegi birden-bir aımaq. Qazaqstannyń ekonomıkasyn nyǵaıtýǵa oblysymyzdyń qosqan úlesi de zor, qol jetkizgen tabystary da, jetistikteri de az emes. Qazynaly óńirdiń keleshek úshin bergeninen áli bereri mol. Osy forým Qazaqstannyń jańa ınvestısııalyq múmkindikterin sizdermen birlese saralaýǵa jol ashady dep senemin, - dedi Mańǵystaý oblysynyń ákimi E.Toǵjanov.
Túrkııa, Saýd Arabııasy, Malaızııa, AQSh, Vengrııa jáne basqa elderden kelgen qonaqtar otandyq kompanııalarmen iskerlik qarym-qatynas ornatýǵa qyzyǵýshylyq tanytty.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
