Bul kúni saıabaqqa kelgen qarttardy oblystyń tańdaýly dárigerleri dıagnostıkalyq tekserýlerden ótkizip, emdelý joldaryn aıtty. Olarǵa stomatologtar, kardıologtar, terapevter, endokrınologtar men okýlıster qyzmet kórsetti. Zeınetkerler qan qysymdaryn ólshetip, kózderin kórsetip, ÝDZ apparatynyń kómegimen aǵzasyn teksertip, ekspress-analızder tapsyrdy.
Saıabaqqa jınalǵan jurt konserttik baǵdarlamamen qatar ardagerler arasynda ótken shahmat týrnıriniń kýási boldy. Kóterińki kóńil-kúı syılaýǵa umtylǵan myń buralǵan kásibı bıshiler, ánshilermen jarysa oblystaǵy yntymaǵy jarasqan barlyq etnos ókilderi án shyrqady.
– Qarttar – bizdiń baǵa jetpes qazynamyz, – deıdi oblystyq densaýlyq saqtaý basqarmasynyń basshysy Muhan Egizbaev. – Olar osyndaı jaqsy ómirge jetý úshin bar kúsh-jigerin jumsady, qajyrly eńbek etti. Endi onyń óteýi qaıtýy kerek. Biz qarttar úshin oblys kólemindegi aýrýhana, emhanalarda «Ashyq esik» kúnderin uıymdastyrǵan bolatynbyz. Al 1 qazannan bastap medısına qyzmetkerleri Uly Otan soǵysyna qatysqan ardagerlerdiń úıine ózderi baryp, dárigerlik kómek kórsetedi.
Bul shara aldaǵy ýaqytta da jalǵasyn taba beredi.
Baqtııar TAIJAN,
«Egemen Qazaqstan»
Ońtústik Qazaqstan oblysy
