«Buǵan deıin aýyldy jerlerge barǵan dárigerlerge 100 myń teńgeden bir rettik kómek berilip keldi. Alaıda bul másele oblys ákimi Janseıit Qanseıitulynyń qoldaýymen qaıta qaralyp, oblystyq máslıhattyń sheshimimen aýyldy jerlerde dárigerler tapshylyǵyn tómendetý maqsatynda aýyldy jerlerge joldanatyn mamandardyń áleýmettiń kómek paketine ózgerister engizildi. 2018 jyldyń qańtar aıynan bastap aýyldyq jerge joldanatyn jas mamandar bir rettik 1 mıllıon teńge kómek alatyn bolady», - dedi Muqan Keńesbekuly.
Spıkerdiń aıtýynsha, 1 mıllıon teńge dárigerlerge Ońtústik Qazaqstan oblysynda ǵana beriledi. Biraq kelisim boıynsha aýyldy jerlerge jumysqa baratyn mamandar bes jyl qyzmet etý mindetteledi. Buǵan deıin bul merzim úsh jyl bolatyn.
Sondaı-aq, oblystyń densaýlyq saqtaý salasynda keshendi medısınalyq medısınalyq aqparattyq júıe engizilýde. Bul maqsatta 8582 kompıýterlik tehnıka satyp alynǵan. Jyldyń sońyna deıin oblystyń barlyq medısınalyq uıymdary 100% kompıýterlenedi. Biryńǵaı server medısınalyq uıymdaryn pasıent týraly elektrondyq aqparat almasý úshin baılanystyrady. Jınaq aqparat avtomattandyrylǵan túrde jergilikti atqarýshy organdardaǵy sıtýasııalyq ortalyqqta túsedi. Qaǵaz túrindegi qujat aınalymy azaıady, bul óz kezeginde pasıentterdiń medısınalyq uıymdary arasynda bostan-bos júrýin edáýir qysqartady. Osylaısha Ońtústik turǵyndary respýblıkada alǵashqy bolyp elektrondyq densaýlyq pasporttaryn alady.
