Senim gramotalaryn qabyldady

Keshe Memleket basshysy Nursultan Nazarbaev Aqordada Brazılııa, Germanııa jáne AQSh elshilerinen senim gramotalaryn qabyldady. Senim gramotasyn birinshi kezekte tapsyrǵan Brazılııa Federatıvtik Respýblıkasynyń Tó­ten­she jáne ókiletti elshisi Os­val­do Bıato Jýnıor Qazaqstanda ústimizdegi jyldyń 7 qyr­kúıe­gi­nen bastap jumysqa kirisken eken. Ol buǵan deıin birqatar elderde, sonyń ishinde Qytaı men Reseıde dıplomatııalyq qyzmet atqarypty. Osy saladaǵy jumys tájirıbesine 30 jyldan astam ýaqyt bolǵan. Munan keıin Elbasy elimizde 12 tamyzdan beri qyzmet atqaryp jatqan Germanııa Federatıvtik Respýblıkasynyń Tótenshe jáne ókiletti elshisi Gıdo Gersten senim gramotasyn qabyldady. 60 jastaǵy Gıdo Gers te buǵan deıin atalǵan eldiń Eýropa Odaǵyn­daǵy ókildiginde, Týnıste, Reseıde, Tanzanııada ókiletti qyzmet­ter atqarǵan baı tájirıbeli dıplomat bolyp tabylady. Qazaqstan basshysyna úshinshi bolyp senim gramotasyn tap­syr­ǵan AQSh-tyń Tótenshe jáne ókiletti elshisi Kennet Feırfaks 1959 jyldyń 11 naýryzynda Ken­­týkkı shtatynyń Lýısvıll qa­la­synda dúnıege kelipti. Ol da Omanda, Ońtústik Koreıada, Reseıde, Kanadada, Ýkraınada, Pol­shada, Vetnamda, Irakta dıp­lo­ma­tııalyq qyzmetter atqaryp, áb­den ysylǵan. Qazaqstanǵa qyr­kúıek aıynyń sońynda kelgen eken. Atalǵan elshilerden senim gra­motalaryn qabyldaǵannan keıin Elbasy qysqasha sóz sóılep, elshilerdi qyzmetterimen quttyq­tady. Olardyń qyzmetke kirisýi Qazaqstan Táýelsizdiginiń 20 jyldyq dúbirli merekesiniń qar­sa­ńyna sáıkes kelgendigin atap ótip, memleket tarapynan olar­dyń jumysynyń jemisti bolýy­na, el men eldiń arasyn jaqyn­dastyrýyna, yntymaqty qarym-qatynasty odan ári ny­ǵaı­týlaryna barlyq múmkindikter jasaıtyndyǵyn atap kórsetti. Munan keıin Prezıdent Qa­zaq­stannyń Brazılııamen, Germanııamen, Amerıka Qurama Shtat­tary­men qarym-qatynastaryna  jeke-jeke toqtalyp ótti. Qazaqstannyń AQSh-pen qa­rym-qatynasynda strategııalyq áriptestiktiń ornyqqandyǵyn, yn­­ty­maqtastyqtyń barlyq ba­ǵyt­­tary boıynsha alǵa basýdyń aıqyn sezilip otyrǵandyǵyn, eki el arasynda 2012 jylǵa deıingi merzimdi qamtıtyn baǵdarlama túzilgendigin, ony oryndaýǵa úles qosý elshige abyroıly mindet júkteıtindigin jetkizdi. Al Germanııa – Qazaqstannyń Eýropalyq Odaqtaǵy jetekshi áriptesteriniń biri. Eki el ara­syn­daǵy taýar aınalymynyń jyl­dyq kórsetkishi 3,5 mlrd. dollarǵa jetip otyr. Byltyr Ger­manııanyń Qazaqstandaǵy jyly tabyspen ótti. Endi qa­rym-qatynasty odan ári damytý máselesine toqtala kele, Qazaq­stan basshysy Germanııa Federatıvtik Respýblıkasynyń birligi kúni bolyp sanalatyn 3 qa­zan­daǵy merekelerimen quttyqtap ótti. Qazaqstan men Brazılııa ara­syndaǵy qarym-qatynastar da damý ústinde. Brazılııa – Qazaq­stannyń Latyn Amerıkasyndaǵy senimdi áriptesteriniń biri. Eki el arasynda parlamentaralyq yn­ty­maqtastyq jaqsy úderis alyp keledi. Aýyl sharýashylyǵy, týrızm, sport salalary boıynsha qarym-qatynastardyń nyǵaıa tús­kendigi seziledi. Degenmen, eki el arasyndaǵy saýda-ekonomıkalyq qarym-qatynasty odan ári da­my­ta túsý qajet. Elshiler Elbasyna senim gramotalaryn tapsyryp, qysqa­sha pikir almasqannan keıin buqa­ralyq aqparat quraldary ókil­deriniń aldyna shyqty. Brazılııa elshisi Osvaldo Bıato Jýnıor Qazaqstanǵa kelip qyz­met isteý, Memleket basshysy Nursultan Nazarbaevqa senim gramotasyn tapsyrý ózine úlken qurmet ekendigin aıtty. Iаdrolyq qarýlardy taratpaý jónindegi Qazaqstannyń bastamashylyǵyn joǵary baǵalaıtyndyǵyn jetkizdi. Amerıka Qurama Shtattary­nyń elshisi Kennet Feırfaks ózi­niń Qazaqstan Táýelsizdiginiń 20 jyldyǵy qarsańynda osy qyz­met­ke kirisýin baqyt dep baǵa­laı­tyndyǵyn, eki el arasyndaǵy qarym-qatynas qarqyndy túrde damý ústinde ekendigin, bul qa­rym-qatynas qaýipsizdik jónin­de­gi yntymaqtastyqtan bastaý alyp, qazirgi kúni adamdar ara­syna deıin jetkendigin atap kórsetti. Taıaýda Qazaqstan óz Táýelsizdiginiń  20 jyldyq merekesin atap ótpek. Sonymen qatar, Qazaqstan men AQSh arasynda dıplomatııalyq qarym-qaty­nas­tyń ornyqqanyna da osynshama ýaqyt bolmaq.  Mine, osy má­se­le­lerge toqtala kelgen elshi óziniń jańa qyzmetinde eki el ara­syn­daǵy qalyptasqan ornyqty baı­lanysty odan ári nyǵaıtýǵa qyzmet etetindigin jetkizdi. Germanııa Federatıvtik Res­pýb­lıkasynyń elshisi Gıdo Gers dúbirli oqıǵaǵa toly Qazaq­stan­nyń jańa tarıhynda osy apta­nyń da mańyzdy oqıǵalarmen erekshelengendigin, Semeı polı­go­nynyń jabylǵanynyń 20 jyl­dy­ǵy atap ótilgendigin aıtty. Qazaqstan byltyr EQYU-ǵa tóraǵalyq jasasa, bıyl Islam Yntymaqtastyq Uıymyna jetekshilik etýde. Munyń ózi 20 jyl ishinde eldiń úlken bedelge ıe bolǵandyǵyn bildiredi. Osy máselelerge toqtalyp ótken elshi   Qazaqstan men GFR arasynda shıkizat,  ónerkásip salala­ryn­da­ǵy qarym-qatynasty nyǵaıtý týraly jańa kelissózderdiń sátti aıaqtalǵandyǵyn atap kórsete kele, bul jaǵdaıdyń eki jaqty yntymaqtastyqqa jańa serpin beretindigin jetkizdi. Suńǵat ÁLIPBAI.