Otandasymyzdyń menedjeri Fılıpp Fondıýdiń aıtýynsha, qazirgi ýaqytta Belfest qalasynda (Soltústik Irlandııa) ótetin boks keshiniń kestesi Sky arnasymen talqylanyp jatyr. Degenmen de eki boksshynyń komandasy aldyn ala qurylǵan jospardan shyǵyp ketpeıdi.
"Qazir biz boks keshine qatysatyn barlyq bylǵary qolǵap sheberleriniń sharshy alańǵa shyǵatyn ýaqytyn bekitip qoıdyq. Tipti, ol kesteniń aldyn ala jasalǵan nusqasyn da kórsetýge bolady. О́ıtkeni, Sky arnasymen de kelisimge keldik. Jekpe-jekti kórsetý quqyǵy tolyǵymen osy arnaǵa tıesili. Alaıda, biz barlyǵyn jospar boıynsha jarııalap otyramyz.
Qazir Jaqııanov pen Barnett arasyndaǵy boks keshiniń qaı ýaqytta bastalatynyn aıtýǵa bolady. Boks keshi Astana ýaqytymen 00:30- da (21 qazannan 22 qazanǵa qaraǵan túni) bastalady. Al keshtiń basty jekpe-jegine shyǵatyn Jaqııanov pen Barnettiń kezdesýi 03:45-te bastalady dep josparlap otyrmyz", deıdi Fondıý.
Buǵan deıin atalǵan jekpe-jek keshin Qazaqstan aımaǵynda da tikeleı efırde kórsetiletini belgili boldy. Jergilikti arnalardyń birine eýropalyq Silver Spring Media kompanııasy translıasııany jetkizip beredi.
Eske salaıyq, bul keshke Janat Jaqııanov jeńil salmaqtaǵy WBA (Super) belbeýin birinshi ret qorǵaıdy. Al óz kezeginde Barnett bul kezdesýde IBF belbeýin ortaǵa salady.
Boks keshi 21 qazan kúni Soltústik Irlandııanyń Belfest qalasyndaǵy SSE Arena sport kesheninde ótedi.
