- Kóbisi aldaǵy oıynnyń biz úshin mańyzy joq dep aıtyp júr. Degenmen, biz óz alańymyzda oınaımyz jáne bar kúshimizdi salyp, jeńiske jetýge tyrysamyz.
- Rýmynııadaǵy qıyn sapardan keıin qalypqa kelip úlgerdińizder me?
- Qalypqa kelýimizge az ǵana ýaqyt boldy. Keshe jattyǵý ótkizdik. Qazirshe bári oıdaǵydaı. Qazaqstan chempıonatyndaǵy oıyn kestesiniń arasy tyǵyz qoıylǵan. Menińshe, erteńgi oıynǵa 100 paıyz daıyn bolamyz.
- Erteń alańǵa birinshi mınýttan bastap shyǵamyn dep oılaısyz ba? Qansha degenmen ótken oıynda gol soqtyńyz ǵoı?
- Ár oıynshy óz aldyna ulttyq quramaǵa oıynymen kómek berýdi oılap turady. Meniń bar oıym – quramanyń jeńiske jetýine kómektesý.
- Erteńgi oıynda ulttyq quramanyń negizgi oıynshylary alańǵa shyǵa almaıtyn sekildi?
- Bul ulttyq qurama. Komandaǵa óz klýbyndaǵy eń úzdik degen fýtbolshylar shaqyrylady. Sondyqtan biz bir-birimizdiń ornymyzdy aýystyra alamyz.
- Armenııa quramasynyń deńgeıi bizdiń quramamen birdeı degenge kelisesiz be?
- Osy irikteý kezeńde Armenııa aıtarlyqtaı upaı jınaǵan joq. Fýtbolda jeńilmeıtin komanda joq. Erteńgi oıynda úsh upaı ıelenetin múmkindik bolady dep úmittenemin.
- Bas jattyqtyrýshy Aleksandr Borodıýk Rýmynııaǵa qarsy oıynda fýtbolshylarǵa jyldamdyq jetispedi dedi. Kelisesiń be?
- Kelisemin, rasymen bizge jyldamdyq jetispedi. Bas jattyqtyrýshy oıynnan keıin bizge birneshe qatelikterimizdi kórsetti. Buıyrsa, qatelikterden sabaq alyp, erteńgi oıynda jankúıerlerdi qýantamyz degen úmittemin.
